उत्तरभागः - अध्यायः ३४

सनत्कुमार उवाच ॥
गणेशेशं प्रवक्ष्यामि दानं पूर्वोक्तमंडपे ॥
संपूज्य देवदेवेसं लोकपालसमावृतम् ॥१॥

विश्वेश्वरान्यथाशास्त्रं सर्वाभरणसंयुतान् ॥
दशनिष्केण वै कृत्वा संपूज्य च विधानतः ॥२॥

अष्टदक्ष्वष्टकुंडेषु पूर्ववद्धोममाचरेत् ॥
पंचावरणमार्गेण पारंपर्यक्रमेण च ॥३॥

सप्तविप्रान्समभ्यर्च्य कन्यामेकां तथोत्तरे ॥
दापयेत्सर्वमंत्राणि स्वैःस्वैर्मंत्रैरनुक्रमात् ॥४॥

दत्त्वैवं सर्वपापेभ्यो मुच्यते नात्र संशयः ॥५॥
इति श्रीलिंगमहापुराणे उत्तरभागे गणेशेशदानविदिनिरूपणं नाम चतुस्त्रिंशोऽध्यायः ॥३४॥