TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|माधव ज्युलियन|गज्जलाञ्जलि|
व्यर्थ पूर्वी म्हटलें की ...

गज्जलाञ्जलि - व्यर्थ पूर्वी म्हटलें की ...

डॉ. माधव त्रिंबक पटवर्धन ऊर्फ माधव जूलियन, (जन्म २१ जानेवारी १८९४; मृत्यु २९ नोव्हेंबर १९३९) हे मराठी भाषेतील प्रतिथयश कवी होऊन गेले.


चन्द्रिका का प्रिया ?
व्यर्थ पूर्वी म्हटलें की मज दे भेट यमा !
म्हणतों आज, रहा दूर वसे जेथ अमा.

मार्ग सम्पूनि दिसे आज परन्धाम ऊथे,
प्रीतिची ही न मुळी जीवनयात्रा सुगमा.

चन्द्रशाळेंत कशी शान्त सुधा ही विलसे,
आणि येती भरुनी सर्व जिवींच्या जखमा !

हासुनी तू पुसशी, कोण चमत्कार करी ?
पौर्णिमेची न दिसे काय तुला ही सुषमा ?

दे न मानेस असा निर्दयतेने झटका !
पौर्णिमा मृर्तिमती तू, नच पूणेंन्दुसमा !

काय दावी नखरा राग तुझ्या गोल मुखी !
स्पष्ट हो त्याज्य किती ही झिजलेली ऊपमा !

कौमुदीने फुलुं दे मत्त मुदें हीं कुमुदें,
ह्त्सुमाला फुलवी ऐक तुझी चारु कमा.

वैभवाच्या शिखरीं जे बसती ते पुसती, -
घ्येयजीवी तरुणा, तू करिशी काय जमा ?

सुज्ञ हो, काय खुळा हा ! म्हणुनी तुच्छ गणा;
चित्कला ही मिळतां काय हवें आणिक मा ?

तू नको हासुं सखे, काय तरी हा बरळे !
चन्द्रिकेहूनिहि तू ऐकच हृद्नम्य रमा !

२८ जानेवारी १९२६ (१)

Translation - भाषांतर
N/A

References : N/A
Last Updated : 2016-11-11T12:50:13.3600000

Comments | अभिप्राय

Comments written here will be public after appropriate moderation.
Like us on Facebook to send us a private message.

तंटा मिटवायाला गेला, आणि गव्हाची कणीक करून आला

  • भांडणाचा निकाल लावावयास जावे तो अधिकच हानि गळ्यात येते. गव्हाची कणीक करणें, पहा. दोन पक्षांमध्ये भांडण होते 
  • त्‍यांचे काही देणे घेणें होते. अखेरीस त्‍याचा असा निकला लागला की, एकाने दुसर्‍यास काही अमुक इतके गहूं द्यावे. पण तेवढ्याने समाधान न होऊन तो पुन्हा तंटा सुरू करून न्यायाधिशाकडे गेला. न्यायाधिशाने असा निकाल दिला की, गहूं देण्याच्या ऐवजी तेवढ्याच गव्हाची कणीक करून द्यावी. याप्रमाणें अधिकच त्रास गळ्यांत पडला. 
RANDOM WORD

Did you know?

लग्न ठरवितांना पत्रिका पाहणे किती योग्य आहे? पत्रिका पाहूनही कांही विवाह अयशस्वी कां होतात
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.