TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|माधव ज्युलियन|गज्जलाञ्जलि|
कोठे तरि जाऊं बसुनी शीघ्र...

गज्जलाञ्जलि - कोठे तरि जाऊं बसुनी शीघ्र...

डॉ. माधव त्रिंबक पटवर्धन ऊर्फ माधव जूलियन, (जन्म २१ जानेवारी १८९४; मृत्यु २९ नोव्हेंबर १९३९) हे मराठी भाषेतील प्रतिथयश कवी होऊन गेले.


तेथे चल राणी
कोठे तरि जाऊं बसुनी शीघ्र विमानीं
अज्ञात ठिकाणीं

स्वातन्त्र्य जिथे, शान्ति जिथे, प्रेम ऊमानी
तेथे चल राणी !

सामाजिक सम्बन्ध सखें, हे न टिककाऊ;
हे स्नेह दिखाऊ !

मी तूज, मला तू, प्रभु दोघांस निदानीं तेथे०

भाळे ऊथे प्रीति धनावीण कुणाला,
ना मोल गुणाला;

लावण्य नसे जेथ जणू चीज किराणी, तेथे०

व्हा बद्ध ऊथे, प्रेम करा वा न कराही,
नातें द्दढ राही;
गे लग्नविधी जेथ न जीवैक्य - निशाणी; तेथे०

नातें पुरुषस्त्रीमधि तें ऐकच वाटे,
ऐसें ऊफराटें
ज्यांचें मत त्यांचें वच यावे नच कानीं, तेथे०

डोळ्यांत ऊथे लाडिक जादू परि खोटी,
अन संशय पोटीं;
साधेपण जेथे न गमे गूण अडाणी, तेथे०

काहीहि करा ही जनता मारिल नाङगी
हासूनि अपाङगीं,
घ्येयास पुरा वाव मिळे, होय न हानी. तेथे०

स्वातन्त्र्य न सत्तेविण, सम्भावितताही
दम्भाविण नाही;
स्वार्थापुरतें सत्य न जेथे कुणि मानी, तेथे०

अन्याय ऊथे जोंवर अन्यास जहाला
तों त्रास कशाला ?
जेथे न शिणे केवळ लाभास्तव वाणी. तेथे०

ही चैन अविश्रान्त, बडेजाव विकाऊ
टाकूनिच जाऊं;
स्वाभाविक कष्टाळु जिथे रम्य रहाणी, तेथे०

ये कोठुनि कष्टाविण विश्रान्ति दिनान्तीं,
धर्माविण शान्ती ?
स्वादिष्ट सुधेहूनि जिथे भाकरपाणी, तेथे०

काव्यें नकलीं नीरस वाचूनि जिवाला
वाटे न जिव्हाळा;
फेसाळत गाऊल जिथे ओहळ गाणीं, तेथे०

कोठूनि गरीबी असतां रानफुलांहीं
शृङगारित राऊ ?
बेमोल जवाहीर खुले रात्र - वितानीं, तेथे०

कोठे तरि रानांत बसूं या नि हसूं या,
जेथे न असूया !
सन्तोष पडूं दे न कुठे न्यून निघानीं, तेथे०

कोठे तरि रानांत बसूं या नि हसूं या,
जेथे न असूया !
सन्तोष पडूं दे न कुठे न्यून निधानीं, तेथे०

बान्धूं चिमणें खोपट की ऊब जयाची
दैवी प्रणयाची !
आल्या अनिकेतास खुलें स्वागत रानीं तेथे०

अङकावर खेळूनि शिकूं सृष्टिसतीच्या
आत्मप्रगतीच्या
त्या गूढ कथा ज्या न कुराणीं, न पुराणीं, तेथे०

१४ फेब्रुवारी १९२४

Translation - भाषांतर
N/A

References : N/A
Last Updated : 2016-11-11T12:50:13.1700000

Comments | अभिप्राय

Comments written here will be public after appropriate moderation.
Like us on Facebook to send us a private message.

bull account

  • न. तेजीवाल्याचे खाते 
  • तेजडियों का जोर 
  • तेजीवाल्याचा लेखा 
RANDOM WORD

Did you know?

गणपतीचे प्रकार किती व कोणते?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site