गज्जलाञ्जलि - प्रेमावीण जीवाला कशाचा जी...

प्रेमावीण जीवाला कशाचा जीवनीं आधार ?
चारी मुक्ति देऊ हें, जिणें यावीण कारागार !

कोणाला न हो बाधा कधीही मूर्तिपूजेची ?
पूजीं मूर्तिला त्या मी जिथे तो भास हो साकार ?

ने हें चञ्चल स्वगीं. जिवाचें मोलही मागे,
सौदा हा नसे किंवा दिखाऊ ऐक शिष्टाचार.

देण्यावाचुनी येथे न ये व्यापार तेजीला,
हा तोटयात नित्याचा, पहा अव्याज हा व्यापार !

चिन्ता कां ऊद्याची ती ? ऊद्या होणार होवो तें !
व्हा आताच दामाजी, लुटीला जाऊं द्या भाण्डार.

जागोमान्तकीं प्रेमें, विरक्तीचा सहारा कां ?
दावी चारु मायेचें रहस्य प्रेम - जादूगार.

वाटो भास हा मिथ्या क्षणाचा दिव्य सौख्याचा,
ने हें स्वप्न जीवाला कटू त्या जागृतीच्या पार.

१८ जून १९२२