TransLiteral Foundation
मराठी मुख्य सूची|मराठी साहित्य|गाणी व कविता|वेदान्त काव्यलहरी|
संतांची उलटी खूण

वेदांत काव्यलहरी - संतांची उलटी खूण

सदर ग्रंथाची किंमत होती - जो जी देईल ती.
सदर पुस्तकाबद्दल दैनिक सकाळ २६/०६/१९३८ चे अंकात अभिप्राय छापून आलेला आहे.


संतांची उलटी खूण
मायेस सगुण म्हणती, निर्गुण तें ब्रह्म यापरी वदती ॥
परि नाहींच मुळीं जी, तेथें गुण कोठुनी कसे येती ॥१॥
द्दश्य असे ती माया, दिसत नसे ब्रह्म यापरी वदती ॥
नसतीच कशी दिसते माया, नवलाव द्दश्य जरि हो ती ॥२॥
साकार स्थूल माया, सूक्ष्म निराकार ब्रह्म त्या वदती ॥
नाहींत तिला कोठुनि, येई आकार स्थूलता जगतीं ॥३॥
बहु नामरूप माया, ब्रह्मासी नामरूप नच म्हणती ॥
नाहींचें रूप कसें, नाम तिचें हें असत्य कां वदती ॥४॥
चंचल माया म्हणती, निश्चळ तें ब्रह्म दगड काय असे ॥
नाहींच मुळीं, तेथें चंचलता मग कुठें कशीच वसे ॥५॥
सिद्धांत आयका हो, संतांची उलट खूण ती न्यारी ॥
साकार, सगुण, द्रष्टा, द्दश्य असे एक ब्रह्म अविकारी ॥६॥
त्याला अनेक नामें, रूप तयाचें अनेक जे दिसतें ॥
स्थूलत्वें जग ज्यासी म्हणतो, ती स्फूर्ति शुद्ध ब्रह्मच तें ॥७॥
दगडाचें स्थैर्य नव्हे, म्हणती तें ब्रह्म स्फुरणयुक्त असें ॥
यास्तव चंचल भासे, निश्चलही तेंच, स्फुरण जेथ नसे. ॥८॥
निर्गुण म्हणजे बहु गुण, ज्या बहु आकार तें निराकार ॥
साकार सगुण म्हणणें मायेसी, सर्वथा निराधार ॥९॥
स्थापन बळेंच करिती, नाहीं जी तीस नाम देवोनी ॥
गुणकर्तेपण तिजवर, परमात्म्याचें उगीच लादोनी ॥१०॥
नाहीं तिचें कशाला नाम, नको स्मरणही कधीं आतां ॥
जे सर्व कार्हि दिसतें, आहे तें सर्व ब्रह्मची ताता ॥११॥

विठ्ठल धाकोजीराव राणे.

Translation - भाषांतर
N/A

References : N/A
Last Updated : 2014-04-16T10:29:54.5470000

Comments | अभिप्राय

Comments written here will be public after appropriate moderation.
Like us on Facebook to send us a private message.

Gutzeit's test

  • गटझेटची चाचणी 
RANDOM WORD

Did you know?

Navchandi Paath explain why it should be done?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site