TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|वेदान्त काव्यलहरी|
मीपण

वेदांत काव्यलहरी - मीपण

सदर ग्रंथाची किंमत होती - जो जी देईल ती.
सदर पुस्तकाबद्दल दैनिक सकाळ २६/०६/१९३८ चे अंकात अभिप्राय छापून आलेला आहे.


कोणता मीपण गेला पाहिजे
मीपण मरणें, हें तर वेदांताचें असे परम ध्येय ॥
ज्ञान्याचें परि मीपण निजरूपीं, त्यांस थोरलें श्रेय ॥१॥
तामस राजस बुद्धीमधला जो “मी” तयास मारावें ॥
अंत:करण उपाधी शुद्ध तयांतील “मी” स तारावें ॥२॥
राजस तामस वृत्ती फार अकुंचीत त्यांतला तो “मी” ॥
ममता धरि संसारीं, जीवपणें द्वैत सकल तो निर्मीं ॥३॥
परि निजरूपीं स्फुरणें “मी” यासी नाहि नाहि संसार ॥
या “मी” स पोषणेची या “मी” नें जीव होय भवपार ॥४॥
हा “मी” शिवरूप असे, हेंच असे विमलरूप मायेचें ॥
निजरूपाहुनि माया नाहीं जी भिन्न, अंगची त्याचें ॥५॥
गोडीवांचुन नाहीं गूळ, रवी तो नसे प्रभेवीण ॥
तैसेच नसे आत्मा “मी” स्फुरणावांचुनी कधीं शून्य ॥६॥
याचा अर्थ नव्हे कीं आत्मा “मी” स्फुरणरहित राहीना ॥
परि या “मी” स्फुरणानें आत्मत्वासी उणेपणा ये ना ॥७॥
जल निस्तरंग राहे, वायू नाहींच तोवरीं पाहे ॥
देहउपाधी नच जों, आत्मा निस्फूर्त सहजची आहे ॥८॥
जोंवरि देह न पडला ज्ञान्याचा, “ब्रह्म मी” अशी स्फूर्ति ॥
उठणार, उठेना कां, त्याची ज्ञान्यास कायसी भीती ॥९॥
हा “मी” मरणेंहि असे शक्य, असोनीच स्थूल हें शरिर ॥
सप्तम भूमीमाजीं, परि त्याची इष्टता नसे फार ॥१०॥
काय प्रभेची  भीति मार्तांडा, उलट त्यास शोभा ती ॥
जल काय तरंगानें बिघडे, आत्म्यांत “मी” जरी स्फूर्ती ॥११॥
शेवाळानें जल, रवि झांकोळी मेघ त्यावरी येतां ॥
जीवपणाच्या “मी” नें, येइ आत्माहि झांकिला म्हणता ॥१२॥
परि जलतरंग कैसे झांकी जलधीस, किरण तैं रविला ॥
“मी आत्मा” ही  स्फूर्ती त्यापरि झाकील केंवि आत्म्याला ॥१३॥
यास्तव आत्मत्वीं जें मीपण, तें इष्ट साधकास असे ॥
देह असे ज्ञान्याचा तोंवरि, हा “मी” कधींच मरत नसे ॥१४॥
हा “मी” मरणेंच नसे इष्ट कधीं, वाढवी तया जास्त ॥
परि जीवकलनेनें उठतो जो “मी”, करी तया फस्त ॥१५॥

Translation - भाषांतर
N/A

References : N/A
Last Updated : 2014-04-16T23:09:15.9970000

Comments | अभिप्राय

Comments written here will be public after appropriate moderation.
Like us on Facebook to send us a private message.

marginal efficiency of capital

  • गुंतवणुकीवरील अपेक्षित सीमांत लाभ 
  • भांडवलाची सीमांतिक कार्यक्षमता 
  • (also investor's yield or internal rate of return) (the rate of return over cost to be obtaiend from additional expenditure on investment of the most profitable type (which Keynes called the 'marginal efficiency of capital') will effect the level of investment) 
  • पूंजी की सीमांत उत्पादिताउत्पादन कुशलता 
More meanings
RANDOM WORD

Did you know?

In Hinduism, are women and men treated as equals?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site