TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|वेदान्त काव्यलहरी|
मरणमांगल्य

वेदांत काव्यलहरी - मरणमांगल्य

सदर ग्रंथाची किंमत होती - जो जी देईल ती.
सदर पुस्तकाबद्दल दैनिक सकाळ २६/०६/१९३८ चे अंकात अभिप्राय छापून आलेला आहे.


मरणमांगल्य
जीवन वृक्षालागीं आलें अत्यंत मधुर फल मरण ॥
प्रस्थान महायात्रा निद्रा जी दीर्घ जाण तें मरण ॥१॥
विटलेल्या जीवांना विश्रांतिस्थान, तेंच कीं मरण ॥
मारुनि बुडी अनंतामाजीं येणें पुन्हां, असें मरण ॥२॥
अपराध सकलिकांचे धेई पोटांत, मायसें मरण ॥
दु:खी दीन अनाथा, आहे माहेर एकची मरण ॥३॥
सासर घरची मुलगी, माहेरीं जात तेंच कीं मरण ॥
स्मरणाचें बहु ओझें, विस्मरणें तेंच हो असे मरण ॥४॥
जीवनव्यापाराचा आढावा काढणें असे मरण ॥
दुर्लौकिकास संधी उत्तम दे जें पुन्हां, सदय मरण ॥५॥
जीवन कैसें गेलें याचें आदर्शरूप तें मरण ॥
आहे मरण परिक्षा, अधमोत्तम ठरवि शेवटीं मरण ॥६॥
अंधार कुणी म्हणती मृत्युला, तें प्रकाश परि मरण ॥
दुर्गति, पूर्ण निराशा म्हणति कुणी, प्रगतिपूर्ण परि मरण ॥७॥
पुनरपि परतुनि येणें जोमानें, प्राणरूप तें मरण ॥
नवजीवन सूर्याचा अरुणोदय, निश्चयें समज मरण ॥८॥
जन्मापोटीं मरणें, जीवन तें ठेविलें जिथें मरण ॥
मग मरण काय वाइट, जीवनदायक असोनि हे मरण ॥९॥
जीवन अनंत भरलें ॥ मरणीं, निर्वाण तेंच कीं मरण ॥
शिवरूप व्हावयासी, आदरिलें पाहिजें जिवें मरण ॥१०॥
रमणीयता तयापरि प्रेम खरें, वाढवी जगीं मरण ॥
भेसूर असतें दिसलें जग हें, नसतें जगीं जरी मरण ॥११॥
नीती, न्याय, सदयता शिकवी सद्‌गूण हें जगीं मरण ॥
टाकुनि जीर्ण वसन दे, नविन पुन्हां, यापरी असे मरण ॥१२॥
जगण्यानें जें साधत नाहीं, तें कार्य साध्य करि मरण ॥
संभाजी, खिस्ताचें उपकारक जाहलें खचित मरण ॥१३॥
कैलास गांठण्याची, शेवटची पायरी असे मरण ॥
जेथें जीव शिवाचा भेटीचा योग घडवितें मरण ॥१४॥
सिद्धांत “जगन्मिथ्या” दावी प्रत्यक्ष तो गुरु मरण ॥
“ यद्दष्टं तन्नष्टं” ठसवी वेदान्तवाक्य तें मरण ॥१५॥
देहांत असुनि योगी, अनुभवती देह-वासना मरण ॥
जीवन अमर तयाचें, ऐशांना येइना पुन्हां मरण ॥१६॥
जीवंतपणीं शिकला यापरि मरण्यास, जिंकिलें मरण ॥
तोच चिरंजीब असे, काळाचा काळ ग्रासुनी मरण ॥१७॥

Translation - भाषांतर
N/A

References : N/A
Last Updated : 2014-04-16T10:33:19.7430000

Comments | अभिप्राय

Comments written here will be public after appropriate moderation.
Like us on Facebook to send us a private message.

निवड

  • वि. १ निवडलेले ; वेचक ; पसंत केलेले ; शेलके ; वेंचून काढलेले . २ वेंचल्यांतर , चांगला चांगला भाग काढून घेतल्यानंतर राहिलेला गोळा . निवडक - वि . निवड अर्थ १ पहा . 
  • f  Choosing, selecting. 
  • स्त्री. नावड ; अप्रीति ; कंटाळा . ( सामान्यतः आवड शब्दाशी जोडून उपयोग ). [ नावड ] 
  • f  Dislike. 
RANDOM WORD

Did you know?

घरातील देव्हारा कोणत्या वस्तुपासून बनविलेला असावा?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.