TransLiteral Foundation

स्कंध ६ वा - अध्याय १९ वा

सर्वमतखंडन आणि ब्रह्मविद्यारहस्य


स्कंध ६ वा - अध्याय १९ वा
८९
राव म्हणे मुने, कथा तें पुत्रद - । पुंसवनव्रत सविधि मज ॥१॥
निवेदिती मुनि मार्गशिर्ष शुद्ध । आरंभावें व्रत पतिपदेसी ॥२॥
निजपतिआज्ञा घेऊनि मरुतांचें । जन्माख्यान साचें श्रवण होवो ॥३॥
विप्रद्वारा विधि ऐकावा व्रताचा । दंतधावनाचा विधि करा ॥४॥
पुढती सुस्नात होऊनियां शुभ्र - । वस्त्र अलंकार परिधानूनि ॥५॥
लक्ष्मीसवें व्हावी नारायणपूजा । प्रेमें अधोक्षजा प्रार्थूनियां ॥६॥
वासुदेव म्हणे प्रार्थना ते ऐसी । निवेदिली ग्रंथीं श्रवण करा ॥७॥

९०
पूर्णकामा ईशा, सदा तूं निरपेक्ष । अष्टसिद्धिनाथ लक्ष्मीपती ॥१॥
नमस्कार माझा असो हे ईश्वरा । देवा, सर्वाधारा जगत्पते ॥२॥
कृपा, श्री, ऐश्वर्य, महत्त्व तैं वीर्य । सत्य तुझे सर्व संकल्पही ॥३॥
यास्तव सर्वांचा प्रभु तूंचि एक । घेईं हे अनंत नमस्कार ॥४॥
विष्णुपत्नी महामाये परमेश्वरी । कृपा मजवरी करीं माते ॥५॥
महाभागे होईं प्रसन्न तूं मज । अनंत हे तुज नमस्कार ॥६॥
वासुदेव म्हणे यापरी प्रार्थना । लक्ष्मीनारायणा तुष्ट करी ॥७॥

९१
‘नमो भगवते महा पुरुषायेति’ । मंत्रें या सविधि पूजा व्हावी ॥१॥
द्वादश आहुति नैवेद्यशेषाच्या । त्याचि मंत्रें साच्या समर्पाव्या ॥२॥
लक्ष्मी नारायण भोगोद्रम स्थान । जाणूनि, सप्रेम दशधा जप - ॥३॥
करुनि, स्तवन करावें पुढती । व्यापिलें विश्वासी उभयांनीं ॥४॥
मायबाप तुम्हीं सकळ विश्वाचे । यज्ञक्रिया ऐसें तुमचें रुप ॥५॥
यज्ञफलभोक्ता तूंचि नारायणा । व्यक्तता त्रिगुणा तेचि माया ॥६॥
व्यंजक तियेचा भूतात्माही तूंचि । शरीरेंद्रियादि लक्ष्मीरुप ॥७॥
त्रैलोक्यकामनापूरक तुम्हींचि । अर्पावे मजसी चिरभोग ॥८॥
वासुदेव म्हणे पुढती आचमन । अर्पूनियां पूर्ण व्हावी पूजा ॥९॥

९२
हुंगूनियां यज्ञशेष । तेणें पूजावा परेश ॥१॥
स्तवूनियां ईश्वरासी । तोषवावा निजपति ॥२॥
प्रिय पदार्थ अर्पूनि । तोचि ईश्वर मानूनि ॥३॥
पतीनेंही पत्नीप्रति । साह्य व्हावें या सुव्रतीं ॥४॥
पत्नी असतां असमर्थ । पतीनेंही घ्यावें व्रत ॥५॥
विप्र सुवासिनी प्रेमें । नित्य पूजावीं नियमें ॥६॥
विसर्जूनियां देवीतें । स्वीकारावें प्रसादातें ॥७॥
चित्तशुद्धि हेतुपूर्ति । प्रसादें या घ्यावें चित्तीं ॥८॥
वासुदेव म्हणे व्रत । संवत्सर ऐसें एक ॥९॥

९३
कार्तिकी अमेतें व्हावें उपोषित । पूजावा भगवंत अन्य दिनीं ॥१॥
दुग्धसिद्ध चरु, सुघृतसंयुक्त । आहुति द्वादश द्याव्या त्याच्या ॥२॥
वस्त्रालंकारांनीं तोषवावे विप्र । भावें नमस्कार करावा त्यां ॥३॥
घेऊनियां आशीर्वाद भोजनासी । प्रथम आचार्यांसी बैसवावें ॥४॥
आप्तैष्टांसवें पुढती आपण । करावें भोजन मौनव्रतें ॥५॥
वासुदेव म्हणे चरु अवशिष्ट । अर्पावा पत्नीस कथिती मुनि ॥६॥

९४
संतति संपत्ति लाभे त्या प्रसादें । इच्छित नराचे पुरती हेतु ॥१॥
गृह, धन, कीर्ति, सौभाग्यसंपत्ति । पति दीर्घायुषी लाभे स्त्रीतें ॥२॥
सद्‍गुणसंपन्न पति कुमारीसी । लाभे या व्रतेंसी निश्चयानें ॥३॥
गतधवा पापमुक्त ते होऊन । सद्गति पावून धन्य होई ॥४॥
तात्पर्य, या व्रतें कामना सकळ । पुरवी घननीळ कृपालेशें ॥५॥
मरुतांची कथा, दितीचें हें व्रत । ऐकतां समस्त पुरती काम ॥६॥
वासुदेव म्हणे षष्ठस्कंधगान । जाहलें संपूर्ण अर्पूं ईशा ॥७॥

इतिश्रीवासुदेवकृत अभंग-भागवताचा स्कंध ६ वा समाप्त.
॥श्रीकृष्णार्पणमस्तु॥


Translation - भाषांतर
N/A

References : N/A
Last Updated : 2019-11-18T19:49:42.5800000

Comments | अभिप्राय

Comments written here will be public after appropriate moderation.
Like us on Facebook to send us a private message.

भगीरथ-भगीरथ प्रयत्न-यत्न

  • इक्ष्वाकु वंशांतील भगीरथ राजानें आपले पूर्वज सगरपुत्र यांस मोक्ष मिळावा याकरितां दीर्घ तपश्चर्या करुन स्वर्गातून गंगेला भू लोकावर आणली, या महाभारतांतील कथेवरुन अत्यंत दीर्घपरिश्रम करुन एखादें अचाट कार्य करणें 
  • अत्यंत कष्टदायक असें कार्य तडीस नेणें. ‘ भगीरथ प्रयत्नांनीं शरदच्या प्रेमाचा ओघ भाईसाहेबांकडे वळविलाच पाहिजे. ’ -एकच प्याला, अंक ५, प्रवेश १. ‘ तथापि तुमची खटपट म्हणजे हा एक भगीरथ यत्न आहे, असें म्हटल्यावांचून रहावत नाहीं. ’ -शिसं २.१. 
RANDOM WORD

Did you know?

विविध पूजा अथवा होम प्रसंगी स्त्रीने पुरूषाच्या कोणत्या अंगास बसावे आणि हाताला हात कां लावावा?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,751
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,781
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.