TransLiteral Foundation
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ६३६ ते ६४०

पदसंग्रह - पदे ६३६ ते ६४०

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ६३६ ते ६४०
पद ६३६.
करील तें काय नव्हे राघव ॥ध्रु०॥
जेणें पाण्याचे पुतळे करुनी ऐकवितो दाखवितो रे ॥ तोचि कर्ता तोचि अकर्ता मूढ मीपण धरितो ॥१॥
एका जीववी दुग्धें एका स्मरणें एका द्दष्टीं रे ॥ एका पाषाणीं पुरवी साखर एका जीववी वृष्टीं ॥२॥
वातांबु पर्णाशनें ॥ एका अन्नें मुक्ता फळीं एका हरलें खदिरांगारें रे ॥ निजानंदें एक रंगुनि ठेले केलीं तृणचरें रे ॥३॥

पद ६३७.
भगवत्स्मरण करा जी भजनीं भाव धरा जी ॥ध्रु०॥
दुर्लभ नरतनुचें आयुष्य पळ पळ निष्फळ जातें ॥ हरिस्मरणेंविण सर्व निरर्थक केलें तितुकें होतें ॥१॥
धन सुत दार परिग्रह हे तों नयेति कामा कोणी ॥ देखत अंध ऐकत बधिर होउनि कां जी श्रवणीं ॥२॥
विद्या कळा विक्रम वैभव नामरुप इहलोकीं ॥ क्षणभंगुर जड द्दश्य विकारी जड मूढ जन न विलोकी ॥३॥
विस्मरणें संसरणें जन्म मरणें भोगिती प्राणी ॥ स्मरणें भवनिधी तरणें वरणें चिन्मयपद निर्वाणीं ॥४॥
सहज पूर्ण निजरंग रंगतो संग भंमतो स्मरणें ॥ प्रार्थितसों ह्मणवुनियां काया वाचा अंत:करणें ॥५॥

पद ६३८.
सावधान रे ॥ध्रु०॥
काय सुधारस पान हें मना दुर्घट हा संसार ॥ हरि स्मर ॥ दुस्तर या रे भवाब्धिचा केवीं पावसी तूं पर पार ॥
इह परत्रींचे साजणें क्षणभंगुर दु:ख अपार विषकंदां परि गोड हा वर्म जाणे वीर झुंझार ॥ हरी स्मर ॥१॥
इंद्रिय वर्ग संसर्ग रे यांचा संग सुखावह काय ॥ अंजुळिंचें जळ यापरि अति चंचळ आयुष्य जाय ॥
स्वार्थकर देह संबंधियांचा लौभ तो परम अपाय ॥ दीनबंधु गुरुराय रे धरि धरि पाय हा सार उपाय ॥२॥
सर्वज्ञ दयसिंधू हा याचा सांप्रदाय शुद्ध ज्ञान ॥ साधनयुद्ध स्वभक्ती रे उपदेशुनि निरसी अज्ञान सत्यज्ञानानंत अक्षयी तुज होईल ॥ पूर्ण विज्ञान ॥ रंगें रंगें यांचे चरणी निजानंद हा करुणा निधान ॥३॥

पद ६३९. [दत्तपंचक.]
चित्सूर्योदय जाहला भवनिशी नासूनियां द्वैत हो ॥ लीलाविग्रह पूर्ण ब्रह्म परमात्मा श्रीगुरूदत्तहो ॥
गेले कल्प असंख्य होउनि निन्हीं नेणेचि माया माया ॥ साष्टांगें प्रणिपात हा करित मी त्या देव दत्तात्रया ॥१॥
ब्रह्माविष्णुसदाशिवात्मक त्निधा ऐक्यासि आला असे ॥ नोहे गोचर द्दश्य द्दष्टिसि कदां जो ज्ञान लक्षी दिसे ॥
तो हा चिद्रुप संचला गुरुरुपें दीनासि तारावया ॥ साष्टांगें प्रणिपात हा करित मी त्या देव दत्तत्नया ॥२॥
झाला सद्रुरु देव दत्त ह्मणती सद्भक्त ज्ञानी मनीं ॥ साधु संत उपासिती दिननिशीं सच्छिष्य भावें मनीं ॥
होतां दर्शन पाप ताप निरशी सायुज्य देऊनियां ॥ साष्टांगें प्रणिपात हा करित मी त्या देव दत्तात्रया ॥३॥
भिक्षेचें स्थळ योजिलें करविरीं निद्रेसि मातापुरी ॥ स्नानालगिं करी त्वरा शिवपुरीं भागीरथीचे तिरीं ॥
ऐसा हा अवतार तारक भवाब्धीमाजि तारावया ॥ साष्टांगें प्रणिपात हा करित मी त्या देव दत्तात्रया ॥४॥
ज्याचें ध्यान मनीं प्रबोधसमयीं सूर्योदयीं ज्या घडे ॥ भावें नाम पठे निरंतर मुखें तो मुक्ति माथां चढें ॥
पूर्णानंदपदीं रमे निजसुखें व्यापोनि लोकत्रया ॥ साष्टांगें प्रणिप्रात हा करित मी त्या देव दत्तात्रया ॥५॥

पद ६४०. [राग भूप]
दयासिंधु हरी दीनबंधु रामा पूर्णकामा ॥ध्रु०॥
हरुनि जन्ममरणत्रपा ॥ करुनि मजवरी कृपा ॥
दुर्धर षडरिपुसमूह पाववी विरामा पूर्ण कामा ॥१॥
पतितपावना ॥ मानुनी भरंवसा मना ॥
चरणरजें उद्धरिली गौतममुमिरामा पूर्णकामा ॥२॥
सहज पूर्णानंदा ॥ निजरंगा निर्द्वंद्वा ॥
स्थापिसि निजपदीं सुभाव विभिषणामिरामा पूर्णकामा ॥३॥

Translation - भाषांतर
N/A

References : N/A
Last Updated : 2016-11-11T12:52:21.1400000

Comments | अभिप्राय

Comments written here will be public after appropriate moderation.
Like us on Facebook to send us a private message.

rolled

  • लाटीव, (भाशा.) कंपित 
  • वेल्लित 
RANDOM WORD

Did you know?

’ एकोद्दिष्ट श्राद्ध ’ बद्दल माहिती द्यावी.
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.