TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ५५६ ते ५६०

पदसंग्रह - पदे ५५६ ते ५६०

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ५५६ ते ५६०
पद ५५६.
घेतलें रे या षड्‌वर्गीं देहदुर्ग ईक्षणमात्रें ॥ध्रु०॥
शिस्नेंद्रियद्वारीं काम राहे ॥ निर्वाण योद्धा तिळतुल्यहि विहिताविहित न पाहे ॥
न ह्मणे आपपर हें अणुहि प्रमाणें । मारितां कटाक्षबाणें ॥ सर्वांगीं भेदला रे ॥१॥
नेत्रीं राहिला क्रोध सदांही ॥ घातली पाही न विचारी सारासार कदांही ॥
वधिली रेणुका-शांति-विवेकी ॥ दुर्निवार हा तिहीं लोकीं ॥ बुडविले थोर थोर ॥२॥
पाहा हो बैसला दुर्मद माने ॥ वरि ताठा चढला न लवे विधिचेंहि ज्ञान न माने ॥
ह्रदयीं मत्सरें वस्ती केली ॥ परमार्थीं घाला घाली ॥ परदोषदर्शन रेखे ॥३॥
सर्वांगीं दंभ त्वचेवरि भरला ॥ वरी वरी अवलोकीं नेणो दशदिशा भरूनि उरला ॥
अहंकार बैसला याचे ॥ मीपणें गर्वें नाचे ॥ देहाभिमानी मोठा ॥४॥
ऐसीं अवरोधुनी साही अंगें या षड्‌वैर्‍यांनीं दैवी संपदा हरिली वेगें ॥
यांतें निर्दाळिल गुरु निजरंग ॥ तरिच हा सांगोपांग ॥ भयभंग होइल याचा ॥५॥

पद ५५७.
गोवर्धनधारी आला आला वो दीनबंधू ॥ध्रु०॥
ह्रदयीं रुक्मिणी चरण धरुनी ॥ संवाहन करितां उठिला पीतांबर सांवरुनी ॥
गरुडा मनपवना टाकनि मागें ॥ धांवला लागवेगें ॥ भक्तकामकल्पद्रुम तो ॥१॥
गगनीं झळकला पीतांबर सये ॥ स्वप्रकाश घन तो वोळी बोलतां नये नये ॥
तेजोमय मंडित आयुधें चारी ॥ श्रीरंग चतुर्भुज शौरी ॥ मनमोहन मदनजनक तो ॥२॥
श्रवणीं कुंडलें तळपति दोन्ही ॥ हरिवदनसरोजीं भ्रमतां स्थिर झाले रविशशि नयनीं ॥
मिरवे कस्तुरीतिलक ललाटीं ॥ शुकचंचु नाशिक निकटी ॥ वसविलें सदन वसंतें ॥३॥
दिव्य शोभला मुकुट ललामीं ॥ फांकली प्रभा पाहतां दशदिशा अंतर्यामीं ॥
देखे अवचीता नवल करी डोळां ॥ सुमती द्रौपदि बाळा ॥ हरिचरणीं सु-मन समर्पी ॥४॥
मिळणी मिळतां भवसंकट नाशी ॥ हरि करुणार्णव तो झाली मती समरस सरिता जैसी ॥
रंगीं रंगली निजानंदें ॥ क्रीडतां निजसुखछंदें ॥ स्वस्वरुपीं निश्वळ राहे ॥५॥

पद ५५८.
तो तूं विसरसि कैसा मजला श्रीरंगा रे ॥ध्रु०॥
जेणें त्वां येणें पशु गजेंद्रासाठीं रे ॥ तेथेंहि नक्रासह त्या नेलें वैकुंठीं रे ॥
युद्धीं भारतीं पक्षां घंटेंत संरक्षी ॥ करुणेचा सिंधू रे ॥१॥
धर्मयागीं मंडुकबाळ सानुलें रे ॥ होता कढईंत उदक उष्ण जाणवलें रे ॥
ह्मणतां तें कृष्ण कृष्ण जळ न करुनियां उष्ण ॥ हरिला प्रबंध रे ॥२॥
दोघं स्त्रीपूरुषें पक्षी कपोत वृक्षीं रे ॥ वरि श्येन फिरतां व्याधबाणीं गुण लक्षी रे ॥
निजबाणें श्येन निमाला ॥ अहिदशें तोहि मेला ॥ पक्षी वांचविले रे ॥३॥
व्याधें कोंडिला मृग वधुबाळेंसह वनीं रे ॥ स्मरतां तुज तेव्हां पाश जाळितो वन्ही रे ॥
शशकापाठीं श्वानें नेलीं ॥ अवकाळीं वृष्टी केली ॥ अनाथबंधू रे ॥४॥
ऐसा शरणागत प्रतिपाळक तूं निजरंगा रे ॥ सच्चित्सुखसारा निर्विकारा नि:संगा रे ॥
मागें बहु तरले पापी ॥ तरती पाहूं अद्यापी ॥ ज्याच्या नामें रे ॥५॥

पद ५५९.
इंदिरावर हरी आणा मंदिरा यादवराणा ॥ध्रु०॥
सुमति राधिका मदगजगमना ॥ सखियांसी बोले विरहें लक्षितसे कैठभदमना ॥
वेगीं घेउनियां नव घननीळा ॥ साजणी गोकुळपाळा ॥ प्राणाच्या जिवलग प्राणा ॥१॥
वैराग्य वसंत माधव मासीं ॥ तापलें तापें असतां सोज्वळ मन चंद्रप्रकाशीं ॥
नाना उपचारें तनु संतप्त ॥ करणार्थीं चित्त विरक्त ॥ जाणवा वृत्त सुजाणा ॥२॥
हरीबांचुनि वांचुनि काय काम ॥ श्रम सर्व निरर्थक प्राणेंविण जैसा इंद्रियग्राम ॥
ऐसें बोलतां तव निजशेजे ॥ श्रीरंग सहज विराजे ॥ जो अगम्य निगम पुराणा ॥३॥
स्वस्वरूपीं ऐक्य बोधें बोधली सुमती बाळा ॥ध्रु०॥

पद ५६०.
रातली मती परपुरुषीं ॥ मातली स्वात्म विलासीं ॥ध्रु०॥
झाली नि:शंक निर्भय चित्तीं ॥ अच्युतानंतीं रमतां लक्षुनि मति सज्जन संतीं ॥
अनुमोदन देउनि ते उफराटी ॥ धाडिली अनंत कोटी ॥ ब्रह्मांडनायक शेजे ॥१॥
शेजे अनुभविला आत्माराम ॥ अवाप्तकाम करुनि घेतला मुनिविश्राम ॥
समूळीं बुडविले धर्माधर्म ॥ उडविलें स्वरुप नाम ॥ लौकिक लज्जा त्यजुनी ॥२॥
पहिल्या पतिलागीं अनावर झाली ॥ देह अहंकारा न गणी; परपुरुषीं जडोनि ठेली ॥
रंगीं रंगली पूर्ण रंगीं ॥ शोभली नित्य निजांगीं ॥ भोगुनियां स्वात्मसुखातें ॥३॥

Translation - भाषांतर
N/A

References : N/A
Last Updated : 2016-11-11T12:52:20.3600000

Comments | अभिप्राय

Comments written here will be public after appropriate moderation.
Like us on Facebook to send us a private message.

तोस्तान

  • न. १ काडतुसे , बंदुकीची दारु इओ सामुग्री ठेवण्याची कंबरेस बांधण्याजोगी चामड्याची पिशवी ; २ दप्तर ठेवण्याची कापडाची पिशवी . ३ शेतकर्‍याजवळची सामानसुमान ठेवण्याची पिशवी . - वि . अगडबंब ; गलेलठ्ठ . [ फा . तोशा + दान ] ( एखाद्याचे ) तोसदान वाढणे - १ ( एखाद्याचा ) बडेजाव , ऐश्वर्य वाढणे . २ ( एखाद्याची ) देवपूजा , जप इ० प्रस्थ वाढणे . ३ ( एखाद्याचे शरीर ) लठ्ठ व ढब्बू होणे . 
  • न. ( कर . ) तगादा ; लकडा ; निकड . तोष्ट पहा . माझ्यामागे तोस्तान लावू नको . [ त्वष्ट ] 
RANDOM WORD

Did you know?

कोणता शब्द योग्य आहे ? नखाला जिव्हारी लागणे की जिव्हाळी लागणे?
Category : Dictionary
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site