TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ३१ ते ३५

पदसंग्रह - पदे ३१ ते ३५

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ३१ ते ३५
पद ३१.
ऐसी हे हरिची लीला जे अगम्य निगम पुराणा ॥धु०॥
संतसभे दाघेजण ॥ वादक संवादती पूर्ण ॥
परिसा श्रोते विद्वज्जन ॥ ऐक्य भावें सर्वही ॥१॥
दिनकरवंशीं बाळपणीं ॥ सुबाहु ताटिका निजबाणीं ॥
वधुनि ऋषीयज्ञ निर्वाणीं ॥ संरक्षिला श्रीरामें ॥२॥
ऐसा माझा राम निजमूर्ती ॥धृ०॥
यादववंशीं बाळपणीं ॥ पूतना शोषिली विंदानीं ॥
उपटुनि यमलार्जुन दोन्ही ॥ गोकुळ रक्षी श्रीरंग ॥३॥
ऐसा माझा पूर्णब्रह्म श्रीनिजरंग ॥धृ०॥
चरणर जस्पर्शे ॥ शिळा उद्धरिली ते अवलीळा ॥
भंगुनि चाप जनकबाळा ॥ पर्णियली चिच्छक्ती ॥४॥
संदर्शनें कुब्जा नारी ॥ दिव्यरूप करुनि हरी ॥
वधुनि भौमासुर निर्धारी ॥ सोळा सहस्र पर्णिल्या ॥५॥
मेळवुनि वानरदळा ॥ सेतूबंधन करुनी सकळा ॥
संहारुनी राक्षसकुळा ॥ रावण वधिला रघुनाथें ॥६॥
संगें घेऊनियां गोपाळ ॥ कृष्ण काळाचा महाकाळ ॥
मल्लां मर्दुनि कंसखळ ॥ वधिला कृष्णें क्षणमात्रें ॥७॥
लंका बिभीषणा दिधली ॥ लोकत्रयीं ख्याती केली ॥
नामें गणिका उद्धरिली ॥ माझ्या रामें कौतुकें ॥८॥
उग्रसेन मथुरापती ॥ केला कीर्ती ते त्रिजगतीं ॥
अजामिळा तो सद्नती ॥ कृष्णें स्मरणें दीघलीं ॥९॥
रामनामें महा दोषी ॥ वंद्य झाला वाल्मिकी ऋषी ॥
रामायण शतकोटीसी ॥ वदली वाचा भविष्य ॥१०॥
शूकमुखें भागवत ॥ श्रवणें परिक्षिती अद्भुत ॥
ब्रह्महत्येपासुनि मुक्त ॥ झाला पूर्ण निर्धारें ॥११॥
निरखुनि दोघांचा विचार ॥ संतीं निवडिला व्यवहार ॥
राम कृष्ण निर्विकार ॥ परब्रह्म ऐक्यत्वें ॥१२॥
पाहतां एकीं एकपण हरपलें ॥धृ०॥
सहज पूर्ण आत्माराम ॥ योगी मुनिजन विश्राम ॥
निजानंद तो निष्काम ॥ सर्वरंगीं रंगला ॥१३॥

पद ३२.
राम कृष्ण विष्णु नामें ॥ गाऊं स्वानंदें सप्रेमें ॥धृ०॥
अनन्य भावें हरि गुरु भजनें ॥ काया वाचा आणि मनें ॥१॥
निरहंकृती निष्कामता ॥ ब्रह्मीं ब्रम्हार्पण तत्वता ॥२॥
रंगीं रंगुनि निजानंदें ॥ नाचों कीर्तनीं स्वच्छंदें ॥३॥

पद ३३.
धन्य धन्य धन्य आम्ही परम मान्य आम्हां सारिखें अन्य कोण असे ॥
पाहतां लोकत्रयीं कोठें उणें कहीं परिपूर्ण तें आमुचे ठायीं दिसे ॥धृ०॥
विद्या वयसा कुळ स्वयंपाकीं सुशीळ सर्वज्ञ शास्रज्ञ ज्ञानी ॥ वर्णाश्रम कर्में विधियुक्त आचरों स्वमताचे अभिमानीं ॥
न्याय-नीती-वंत श्रीमंत सर्वदां दरिद्र न देखों स्वप्नीं ॥ ऐसें माया मोहें बरळती जे एक गुंतुनी विषयाचे ध्यानीं ॥१॥
एक ह्मणती आम्ही कृतकृत्य झालों मिरविलों लौकिकांत ॥ शचिपती सम भोग भोगिले ये लोकीं विश्व हें केलें अंकित ॥
ऐसे गर्वराशी वळघोनि आकाशीं दाविती शब्दसंकेत ॥ तेही काळें करुनि नेले नरकालया उरले ते ह्मणती शाश्वत ॥२॥
मळीण अंत:करणें अविधि आचरणें या देहीं तादात्म्य धरुनी ॥ कल्पांतींही त्यांस सुखप्राप्तीचा लेश नाहीं नाहीं त्रिभुवनीं ॥
संकल्पाच्या सन्निपातें बरळती मी देह माझें ह्मणोनि ॥ नि:संग निजरंग नेणोनी फिरतील लक्ष चौर्‍याऐशी योनी ॥३॥

पद ३४.
कृष्णा धांवे पावे कृष्णा धांवे पावे ॥ कृष्णा धांवे पावे ऐसे समयीं यावें दिनानाथा दीनबंधू ॥
कौरव षड्‌वैरी पीडिती नानापरी सोडवी करुणा सिंधू ॥धृ०॥
सुमती द्रौपदी शुद्धसत्वपदीं धर्मपत्नी पतिव्रता ॥ दुष्ट दुर्योधन हातीं सांपडली दावुनि कोप तिव्रता ॥
सभेमाजी मग्न करा ह्मणतां दु:शासनें ते धरुनि तत्वता ॥ घालितां निरियें हात जाणुनि कल्पांत बोभायिलें रमाकांता ॥१॥
भक्तांचा साहाकारी तूं नाना अवतारी गर्जती शास्त्रें पुराणें ॥ संकट पडतां भारी रक्षितो श्रीहरी धांवा करितां जिवें प्राणें ॥
साधुसंत मुनी बाह्या उभारूनी साक्ष देती याप्रमाणें ॥ मिथ्या वाद त्यांसीं येऊं नेदी ह्रषीकेशी हेंचि आजि तुझें देणें ॥२॥
सर्वव्यापी सर्वभूतांतरात्मा सर्वसाक्षि ओतप्रोत ॥ विश्वपटीं एकचि तंतू श्रीकृष्ण परब्रह्म अच्युतानंत ॥
ऐकोनियां श्रवणीं द्रौपदीची वाणी भक्तवत्सल दयावंत ॥ घालोनियां उडी आला लवडसवडी दाविती संत संकेत ॥३॥
अनुभवाची खुण अनुभवीं संपूर्ण जाणती दर्शनी ज्ञानी ॥ उभा पाठिराखा पाठिसि तो देखा राहिला भक्ताभिमानी ॥
दिव्य सोनेंसळा नेसवितां बाळा संतोषली याज्ञसेनी ॥ भक्तकामकल्पतरु निजरंगें देखती झाली निदानीं ॥४॥

पद ३५.
आतां काय उपाय करुं मी कोणाचे पाय धरुं ॥ ऐसा कोण बळी ज्याच्या बळें भव तक्षक विष उतरूं ॥धृ०॥
कैंचा देवधर्म कैंचें क्रियाकर्म रक्षिल मज ये विषयीं ॥ साधू संत कोण्ही पूजिले नाहीं सद्भावें लागुनि पायीं ॥
धनसुतदारपरिग्रह हे तों पाडिती सर्व अपायीं ॥ दाही दिशा माझे पाठिसी लागती तापलों मी तापत्नयीं ॥१॥
कैंचा मित्न सखा पाठिराखा बंधू हरिविण एका निदानीं ॥ तो तंव जन्मांतरीं अर्चिला नाहींंच कळों आलें या वरुनी ॥
पतीत पावन हरि धन्वंतरी एक ऐकिलें शास्त्र पुराणीं ॥ पाहतां नवही खंडीं ब्रह्मांडीं हरिविण सोडवितां नाहीं कोण्ही ॥२॥
तक्षक विषानळीं संतप्त ये काळीं गारुडी जरी हरि येता ॥ निर्विष करुनी कृपें सद्रुरु स्वरुपें संरक्षक पूर्ण होता ॥
विश्व भक्षक हा तक्षक मारुनी शाश्वत निज सुख देता ॥ तरीच निजानंदें रंग्नि मनिंचा संकल्प सिद्धी जाता ॥३॥

Translation - भाषांतर
N/A

References : N/A
Last Updated : 2016-11-11T12:52:14.4200000

Comments | अभिप्राय

Comments written here will be public after appropriate moderation.
Like us on Facebook to send us a private message.

cystic hygroma

  • कोष्ठभ लसीनी अर्बुद 
RANDOM WORD

Did you know?

Request for Anagha Ashtami Puja vrat Sagrasangit Puja
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site