TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ५७१ ते ५७५

पदसंग्रह - पदे ५७१ ते ५७५

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ५७१ ते ५७५
पद ५७१. [चा. सदर.]
नरदेहा येउनी काय रे हित केलें ॥ध्रु०॥
अगणित पुण्यें तनु मानसी ॥ प्राप्त झाली असतां कैसी ॥
ते त्वांसमर्पिली विषयांसीं ॥ जैसी दासी आंदणी ॥१॥
आहार निद्रा भय मैथुन ॥ जीवमात्रासी हें ध्यान ॥
येथें पूर्ण ब्रह्मज्ञान ॥ मानवदेहींची व्हावें ॥२॥
पुत्र कलत्र गोत्र मित्न ॥ सर्वै सपत्ति चित्रविचित्र ॥
नाशिवंत इहामूत्न ॥ केवळ पात्र दुखाचें ॥६॥
साधसंपन्न त्वां व्हावें ॥ नवविध भजनें अनन्य भावें ॥
हरिगुरुचरणा शरण रिघावें ॥ तरणोपायाकारणें ॥४॥
सांडुनि देहबुद्धिचा संग ॥ पूर्ण निजानदें रंग ॥
तरीच होसील अभंग ॥ ब्रह्मरूप सर्वदां ॥५॥

पद ५७२. [चा. सदर.]
अनन्यभावें कां न भजती प्राणी मजला ॥ध्रु०॥
विद्या वयसा कीं धन कांता ॥ पुत्रापत्यें माता पिता ॥
कोण आहे संरक्षिता ॥ या भवदु:खापासूनी ॥१॥
पंचभुतात्मक हें स्थूळ ॥ केवळ सर्व चोरांचा गूळ ॥
क्षणभंगुर हा दु:खमूळ ॥ मृगजळवत्‌ जड विकारी ॥२॥
कवण्या गुणें मंदमती ॥ विषवत्‌ विषयांतें सेविती ॥
आयुष्य जातें हातोहातीं ॥ तोंडी माती घालुनी ॥३॥
साधनयुक्त अंत:करणें ॥ विहित सत्कर्में आचरणें ॥
नवविध भजनीं आत्मस्मरणें ॥ जन्ममरणें नासती ॥४॥
श्रीसद्रुरुच्या पदारविंदीं ॥ राहुनि सच्चित्सुखमकरंदीं ॥
पूर्ण रंगें निजानंदीं ॥ विदेहत्वें विचरावें ॥५॥

पद ५७३. [काशीराजकृत, चाल-सदर.]
दीनबंधू भक्तांचा साहाकारी ॥ध्रु०॥
परात्पर तरवर परीपूर्ण ॥ जंगनगकार्या चित्सवर्ण ॥
ऐसा निर्गुण परि मी सगुण ॥ झालों भक्तांकारणें ॥१॥
एका अंबरीषाकारणें ॥ दशविध रूपें म्यां अवतरणें ॥
माझ्या निजभक्तांचें उणें ॥ पडों नेदी मी कांहीं ॥२॥
कष्टी प्रर्‍हादासी द्दष्टीं ॥ देखुनि अवतरलों मी काष्ठीं ॥
करुनि परमामृतवृष्टी ॥ सृष्टी भरली स्वानंदें ॥३॥
पशू गजेंद्रा जळचरें ॥ संकट करितां पूर्ववैरें ॥
तो म्यां सत्वर कमळावरें ॥ धांवुनि येउनि सोडविला ॥४॥
करूनि दुर्योधनें गर्व ॥ द्रौपदि गांजितां अपूर्व ॥
पर्वत झालों तेव्हां सर्व ॥ सुरंग रंग वस्त्रांचे ॥५॥
ऐशा भक्तांतें उद्धरिलें ॥ त्याचें परिमित कवणें धरिलें ॥
त्यांनीं दुर्जय मन मोहरिलें ॥ संकट हरिलें म्यां त्यांचें ॥६॥
सहजीं सहज पूर्ण रंग ॥ श्रीरंगानुजात्मज अभंग ॥
असोनि निजभक्तांचा संग ॥ मजहुनि मजला आवडतो ॥७॥

पद ५७४. [चा. सदर.]
राजा महाराज तो राजयोगी ॥ध्रु०॥
नित्य पूर्ण पदावरी ॥ तन्मय छत्र शोभे शिरीं ॥
दैवी संपत्ति सेना समरीं ॥ भेद शत्रु निर्दळिला ॥१॥
बोध अनुभव हस्ति मस्त ॥ सेना शोभविती समस्त ॥
विवेक मंत्री तो नेमस्त ॥ सारासार विभागी ॥२॥
वीतराग तो सेनापती ॥ भाव सेना-सर निश्विती ॥
अक्रोधता निर्मळ शांती ॥ दुंदुभी गर्जे महाद्वारीं ॥३॥
चारी साहा अठरा भाट ॥ ब्रींद गर्जती अचाट ॥
नवविध नाचणीचे थाट ॥ निजसुखछंदें नाचती ॥४॥
निजभांडारीं सुवर्ण ॥ भरलें चिद्रत्नें परिपूर्ण ॥
अनादि अव्यय नाणें जीर्ण ॥ मूर्तीमंत अक्षयी ॥५॥
ज्याचें ठेवणें अमूप ॥ समसाम्यें स्वस्वरूप ॥
जेथें पाजळला दीप ॥ अलक्ष लक्षें सर्वदां ॥६॥
विदेहत्वें सुखासनीं ॥ विद्वद्वर्य तो चिद्भुवनीं ॥
विचरें निश्वळ अधिष्ठानीं ॥ सहज पूर्ण निजरंगें ॥७॥

पद ५७५. [चा. सदर.]
माझा सखा सोयरा श्रीहरी ॥ध्रु०॥
त्यावेगळा नाहीं थार ॥ निराधारिया आधार ॥
पावविला पैलपार ॥ भवसिंधूचा तेणें ॥१॥
त्याच्या नामें काळ बळी ॥ आम्हिं घातला पायातळीं ॥
नादों निर्भय जळीं स्थळीं ॥ काष्ठी पाषाणीं आतां ॥२॥
म्हणे करीन सांगाल तें ॥ देईन जें जें मागाल तें ॥
परंतु तुम्हीं त्यागाल तें ॥ नाशिवंत म्हणवूनी ॥३॥
काय उणें केलें तेणें ॥ दिधलें अक्षयी निय नाणें ॥
पारुषलें येणें जाणें ॥ लक्ष चौर्‍यावशी योनी ॥४॥
गणिका वाल्मिक महादोषी ॥ ज्याच्या नामें झाले ऋषी ॥
ऐसा सोयरा मी त्यांसी ॥ कैसा विसंबों आतां ॥५॥
ज्याची चरणसेवा रमा ॥ करी भाग्याची हे सीमा ॥
नेणें ब्रह्मा महिमा उपमा ॥ दुजी नाहीं द्यावया ॥६॥
आम्हां ऐसा सुखी कोणी ॥ नाहीं न दिसे त्निभुवनीं ॥
ज्याच्या धर्में हे दिनरजनी ॥ काळ वेळ नाठवे ॥७॥
जिवलग सोयरा निजाचा ॥ अनन्य शरणागत मी त्याचा ॥
झालों काया मनें वाचा ॥ निजानंदें रंगोनी ॥८॥

Translation - भाषांतर
N/A

References : N/A
Last Updated : 2016-11-11T12:52:20.5130000

Comments | अभिप्राय

Comments written here will be public after appropriate moderation.
Like us on Facebook to send us a private message.

खाणें थोडे मचमच फार

  • थोडे खावयाचे पण सारखा तोंडाचा आवाज करीत असावयाचे. काम थोडे करावयाचे पण त्‍याबद्दल सारखी बडबड करीत, बढाई मारीत असावयाचे, अशाबद्दल म्‍हणतात. (गो.) खाणापरस मचमच चड. 
RANDOM WORD

Did you know?

सोळा वर्षाखालील मुलांना शनिची साडेसाती कां त्रस्त करत नाही?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.