TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ३०६ ते ३१०

पदसंग्रह - पदे ३०६ ते ३१०

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ३०६ ते ३१०
पद ३०६. (चा. सदर.)
आतां चोज सांगों काय कैसा हरविला डाय रे ॥ बुडविली नौका पालवीं नावाडा गुरुराय रे ॥धृ०॥
लटिकें लटिकें होय तयाचा शोक तुज कां लागे रे ॥ साचपणें तुजमाजीं विलासे तेथ मन न जागे रे ॥१॥
शुक नळिकेसा पडला त्यातें काय किजे कोणे रे ॥ फिरतसे दश दिशा मृग नाभींचा सुवास नेणें रे ॥२॥
या खुणा जाण सुजाणा तये लक्षण उमाणु रे ॥ निजानंद तो मुळिंचा रंग दुजा कोठुनि आणूं रे ॥३॥

पद ३०७. (चा. सदर.)
बोलि फळ ते काय खोली विचार करूनि पाहीं रे ॥ अमृत म्हणतां अमर होइजे स्वप्नींहि न साह रे ॥धृ०॥
लटिकें म्हणती परि लटिकें त्याला ठाउक जाहलें नाहीं रे ॥ लटिकींयाचा शोक विराला त्यासिच कळलें पाहीं रे ॥१॥
स्वप्नींचा प्रतिभास लटिका जागृतिसी होय रे ॥ तैशी द्दश्य पदार्थीं मिथ्या प्रतिती तरि निज सोय रे ॥२॥
आत्मविलासीं राहे महिमा वर्णी कोण वाचे रे ॥ संगविना निज रंग तयाशींच निजानंद सुख साजे रे ॥३॥

पद ३०८. (चा. सदर.)
सादर परिसा माय वो सुंदर गुरुचे पाय वो ॥ निववीलें सर्वांगें मीं उतराई होऊं काय हो ॥धृ०॥
घेतां याचें नाम वो नि:शेष गेला शीण वो ॥ न बोलवे मज बोलें अनुभविये जाणति खूण वो ॥१॥
सिद्धि गेलें काज माझें सरलि लोकलाज वो ॥ सहजसमाधीयोगें सखिये हातां आलें नीज वो ॥२॥
बोधिं भेद निमाला सरला भावाभावसंग वो ॥ निजानंदभुवनीं जाहला मतिविण वृत्तिक रंग वो ॥३॥

पद ३०९. (चा. सदर.)
औट हात ह्मणवितसें तो मी ब्रह्मांडीं न माय वो ॥ केलें या गुरुरायें विपरित विपरित सांगों काय वो ॥धृ०॥
अस्ति भाति प्रिय रुप या बोधें जग हें द्दष्टिसि नाणी वो ॥ वारंवार तनु हे वागे तव मी गुरु नाम वाखाणी वो ॥१॥
नेति नेति या द्दश्य विभागीं अधिष्ठाना आलें वो ॥ मुळिंचें सुखरूप माझें या निज विर्वाहींच ठेलें वो ॥२॥
शोधनक्रम श्रुतिसार सिद्धिपद अनिर्वाच्य साजे वो ॥ रंगींल ये मीं निजानंद-पद साम्राज्य वीराजें वो ॥३॥

पद ३१०. (बाळा जु जु जू० या चा.)
विचित्र लाघवि हा गुरुराणा ॥ अगम्य वेदपुराणा ॥धृ०॥
पल्लव सारियला मस्तकींचा ॥ रमणीय हा हस्तकींचा ॥१॥
निर्णय कर्णपुटीं मज बोले ॥ तें गुज वर्णित शिव डोले ॥२॥
लाऊनि पदभजनीं निज गोडी ॥ ह्रदयग्रंथी सोडी ॥३॥
अलक्ष लक्षें नाम जपकर्णी ॥ कोटि लोपले तरणी ॥४॥

Translation - भाषांतर
N/A

References : N/A
Last Updated : 2016-11-11T12:52:17.2330000

Comments | अभिप्राय

Comments written here will be public after appropriate moderation.
Like us on Facebook to send us a private message.

abhenry

  • पु. Elec.Eng.(the cgs electromagnetic unit of inductance) ऍबहेनरी 
RANDOM WORD

Did you know?

सौभाग्यवती स्त्रियांनी कुंकू का लावावे ?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site