TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे १८६ ते १९०

पदसंग्रह - पदे १८६ ते १९०

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे १८६ ते १९०
पद १८६.
साधुसंत हे महा मैंद जाती रे ॥ ब्रह्मारण्यीं नेउनि जीव घेती ॥धृ०॥
भोळि भाविकें देखुनि हळुच कानीं ॥ गोष्टी सांगुनि बैसविती अधिष्ठानीं ॥१॥
जीव घेउनि सोडिती लागें ॥ पाठिराखे उदंड यांचे सांगे ॥२॥
यांचें नि:संतान नव्हे कदां काळीं ॥ करिति संसाराची राखरांगोळी ॥३॥
द्दष्टीबंधन करिताति खाणोरी ॥ मोठे भोंदु मानववेषधारी ॥४॥
फांसेपारधी दिसती वरि वरि भोळे ॥ जो तो यांच्या पायांवरी कां लोळे ॥५॥
वोस पडेना कधींच पाहा यांचें ॥ निजहस्तें छेदिती शिर जिवाचें  ॥६॥
निजानंदें रंगले रंगले सर्व रंगीं ॥ मेले पाठीं लागले युगायुगीं ॥७॥

पद १८७.
आत्मया रामा ये रे ये रे पूर्णकामा ॥ मुनिजनमानस-विश्रामा ॥ धांवें पावें निजसुखधामा रे ॥धृ०॥
देवा तुझिया मज विस्मरणें ॥ नाना योनी जन्ममरणें ॥ लागलें जीवपण हें धरणें रे ॥१॥
मी तों अपरादी अन्यायी ॥ किति म्हणउनि सांगों कायी ॥ तूंचिबाप तूंचि आई रे ॥२॥
दटावितां बापें बाळ ॥ माता समजावि स्नेहाळ ॥ माता मारिता बाप कृपळ रे ॥३॥
माता पिता दोन्ही पक्षिं ॥ तूंचि एक अंतरसाक्षी ॥ तरितुजविण मज कोण रक्षी रे ॥४॥
दीनदयाळ पतितपावन ॥ वेद गर्जुनि करिती स्तवन ॥ तरि त्वां कां धरिलें मौन रे ॥५॥
निजरंगा दीनोद्धरणा ॥ करिं करुणा भवभय-हरणा ॥ वारीं दुस्तर जन्म-मरणा रे ॥६॥

पद १८८.
यांत कोणाचें काय गेलें ॥ आपुलें केलें तें पावले ॥धृ०॥
येथें ऐसें तेथें तैसें ॥ पुढें होईल न कळे कैसें ॥१॥
डोळे झांकुनि अंधार करिते ॥ मार्ग सांडुनि आडमार्ग धरितो ॥२॥
विष सेवुनि पीयूष म्हणे ॥ मरण न चुके हें  न जाणे ॥३॥
जैसें जन्मुनियां नग्न ॥ हिंडे दारोंदारीं श्वान ॥४॥
रंगीं रंगेना अद्यापी ॥ किती नरक भोगिल पापी ॥५॥

पद १८९.
गोविंदाची कथा गोड फार रे ॥धृ०॥
अनन्य भावें ऐकतां श्रवणीं ॥ होय जगदुद्धार रे ॥१॥
शुकमुखें श्रवण करितां परिक्षिती ॥ पाबला पैल पार रे ॥२॥
दशम एकादशीं तन्मय झाला ॥ साराचेंही सार रे ॥३॥
श्रवणमनननिदिध्यासें होय ॥ साक्षात्कार रे ॥४॥
निजानंदें रंगले ज्ञानी ॥ गर्जतिं वारंवार रे ॥५॥

पद १९०.
जनीं जनार्दन तो जनार्दन तो ॥ ब्रह्मनिष्ठ मुनिजन तो ॥धृ०॥
घटमट-भंगीं महदाकाश ॥ अभंग अद्वितिय अविनाश ॥१॥
सुगंध सुमनीं होय ॥ गुणीं गुंफितां तो नये ॥२॥
देहीं देहातीत ॥ पूर्णं रंगीं सदोदित ॥३॥

Translation - भाषांतर
N/A

References : N/A
Last Updated : 2016-11-11T12:52:16.0470000

Comments | अभिप्राय

Comments written here will be public after appropriate moderation.
Like us on Facebook to send us a private message.

जिकडल्‍या भिंती, तिकडल्‍या मुळ्या

  • एखाद्या आवराभोवती भिंत घातली असतां किंवा विहीरीसभोवती जी भींत घातलेली असते, तीत मुळ्या कोठून तरी येऊन बाहेर आलेल्‍या दिसतात. त्‍या अर्थात्‌ ज्‍या दिशेच्या भिंतीतून बाहेर आलेल्‍या असतील त्‍याच दिशेकडील झाडांच्या त्‍या मुळ्या असल्‍या पाहिजेत. ज्‍या दिशेकडून एखादी अनिष्‍ट गोष्‍ट घडत असेल तिकडेच तिचे मूळ असले पाहिजे. 
RANDOM WORD

Did you know?

तेल आणि तूप दिवा एकत्र का लावूं नये?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.