TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ९६ ते १००

पदसंग्रह - पदे ९६ ते १००

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ९६ ते १००
पद ९६.
आह्मी जन्म अनंताच्या ॥ दासी झालों संतांच्या ॥
संतपदीं निजानंदें विचरों मोक्ष श्रीमंताच्या ॥धृ०॥
अवाप्त कामगुणें ॥ उसंत नाहीं पूर्णपणें ॥
मुक्ताफळ चिद्रत्नें मिरवुं निजांगीं लेणें ॥१॥
सच्चित्सुखभुवनीं ॥ जीवन भरुं या जगजिवनीं ॥
द्दश्य भान मळ निरसुनि निर्मळ ॥ नित्य अधिष्ठानीं ॥२॥
नमितां संतपदा ॥ भय कवणाचें काय तदां ॥
अहं-रावण मारुं सेना सह त्रिविध छेद-भेदा ॥३॥
सम साम्यें सेवा ॥ अभेद भजनें गुरु देवा ॥
संतचरणरज वंदुं पूर्वजन्मांतर ठेवा ॥४॥
कामीं निष्काम ॥ रामीं विश्रामधाम ॥
संतकृपापांगें पूर्ण रंगें गितीं गाऊं गुरुनाम ॥५॥

पद ९७.
भीमातीरविहारी हा क्षिरसागरवासी ॥
ब्रह्म सनातन सच्चिद्धन मन मोहन अज अविनाशी ॥धृ०॥
ज्ञानहीनें अतिदीनें मुढें तामसविषयविलासी ॥
दर्शनमात्रें जड जिव तारिती भवसागर ह्रर्षिकेशी ॥१॥
भव-तमनाशक चिद्भानू निज तेजें विश्व प्रकाशी ॥
मुनिजनमानस जलरुह विकसित कर्ता या ह्रत्कोशीं ॥२॥
भक्तोमरतरु श्री विठ्ठल गुरुराज मंत्र उपदेशी ॥
विश्वपटीं चित्तंतु ह्मणे मीं पूर्ण रंग यदुवंशीं ॥३॥

पद ९८.
हो जें झालें तें झालें तें ॥ फळलें तप केलें तें ॥धृ०॥
हरिशीं सर्वस्वें रत झालें ॥ माणुसपणांतुनि मी गेलें ॥१॥
जन वन हरिमय सबाह्म देखें ॥ झालीं मृगजळवत सुखदु:खें ॥२॥
काय केलें होतें कर्म ॥ समुळीं बुडाले धर्माधर्म ॥३॥
नेणों काय होता भोग ॥ कैसा येउनि घडला योग ॥४॥
रंगीं रंगोनि निजानंदें ॥ विचरें चिद्भुवनीं स्वच्छदें ॥५॥

पद ९९.
तो मज मानेना तो मज मानेना ॥धृ०॥
चित्त सतत रत अविहित कर्मीं भजनीं विमुख सदाही ॥
परपीडक परदोषदर्शनीं तत्पर ब्राह्मणद्रोही ॥१॥
निर्दयह्रदय पदोपदीं संशय वचनीं निश्चय नाहीं ॥
स्वदोष लोपी अति संतापी पडिला विषयप्रवाहीं ॥२॥
सारासारविचार विहिन जो आत्मघातकी प्राणी ॥
निज रंगें रंगेना त्याचें मुख न विलोकिति कोण्ही ॥३॥

पद १००.
तो मज बहु माने तो मज बहु माने ॥धृ०॥
मनबुध्यादिक करणसमुच्चय हरिभजनीं रत झाला ॥
विहिताचरणें सद्नुरुस्मरणें प्रियतम होय अजाला ॥१॥
सर्व भूतिं भगवंत विलोकुनि भूतदयार्णव अंगें ॥
सबाह्यांतर चिद्रत्नाकर झाला विद्वत्संगें ॥२॥
अंबरमणि दिनरजनी नेणें स्वप्रकाश घनतेजें ॥
ज्ञानाज्ञानविहिन निज रंगें विचरें सहजीं सहजें ॥३॥

Translation - भाषांतर
N/A

References : N/A
Last Updated : 2016-11-11T12:52:15.1400000

Comments | अभिप्राय

Comments written here will be public after appropriate moderation.
Like us on Facebook to send us a private message.

singular game

  • एकपात्री खेळ 
RANDOM WORD

Did you know?

विवाहासाठीच्या मुहूर्तांची नांवे काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.