TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ३०१ ते ३०५

पदसंग्रह - पदे ३०१ ते ३०५

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ३०१ ते ३०५
पद ३०१. (कळों आली माव रे या चालीवर)
भक्तांचा विश्राम रे अंकिला श्रीराम रे ॥ कैवल्याचें धाम भक्तां करी पूर्ण काम रे ॥धृ०॥
अंबरिषासाठीं रे दुर्वासाच्या पाठीं रे ॥ लाविलें स्वचक्र कृपा सद्भक्तांचि मोठी रे ॥१॥
घेतां आळी बाळकें त्यासि विश्वपाळकें ॥ क्षीरसिंधु दिला मुनिमानसमराळकें ॥२॥
होता ऋषीशाप रे जाहलि शीळारूप रे ॥ चरणरजस्पर्शें झाली अहल्या निष्पाप रे ॥३॥
हाणोनियां चक्र रे विदारिला नक्र रे ॥ गजा गौरविलें तैसें न पवेचि शक्र रे ॥४॥
द्रौपदीची लाज रे रक्षी महाराज रे ॥ पांडवांचे घरीं करी सर्वस्वेंशीं काज रे ॥५॥
प्रर्‍हादाच्या बोलें रे अत्यद्भुत केलें रे ॥ अव्यक्त रूपडें भकालागीं व्यक्त जाहलें रे ॥६॥
रामीं रत चित्त रे तेचि भक्त युक्त रे ॥ निजानंदें रंगुनियां जाहले जीवन्मुक्त रे ॥७॥
पद ३०२.
मनुजा जागरे स्वरुपीं जागरे ॥धृ०॥
कायसा भ्रम कां अहंममतावनीं श्रमसी वृथा ॥ भज भज सत्पथा, वद भगवत्कथा ॥१॥
जाग जाग असार भाग त्याग त्यजुनि वाग स्वमंदिरीं ॥ भ्रम टाकीं दुरी, भज भज श्रीहरी ॥२॥
काय सार्थक इंद्रियार्थ अनर्थकारक सर्वदा रति न धरी कदां ॥ भज भगवत्पदा ॥३॥
पंचकोश षडोर्मि षड्‌रिपु राग द्वेष त्रिताप रे ॥ अति संताप रे ॥ धरि अनुताप रे ॥४॥
सत्समागम शास्त्रसंगम, सुगम हाचि उपाय रे ॥ चुकविं अपाय रे ॥ धरि गुरुपाय रे ॥५॥
श्रीगुरुपदपंकजीं मन रंगतां निज पावसी ॥ परम सुखावसी ॥ स्वपदीं स्थिरावसी जागे रे ॥६॥

पद ३०३.  (कवण तुम्ही कवणाचे या चा.)
मनुजा सावध सावध रे ॥ सावध सावध काळ-व्याळ तुज गिळीतसे सगळें ॥
देव दयानिधि श्रीगुरु गारुडी पालवी भावबळें ॥धृ०॥
हित अहित मना न विचारिसी झांकुनि नेत्र सदां ॥ कामकर्दमीं लोळसि निशिदिनिं मानुनि सौख्यप्रदा ॥
वीज लवोनि सरे सुख तेविं सवेग घडे आपदा ॥ इंद्रियग्राम विराम पडे मग बोलसि राम कदां रे ॥१॥
सिंह जळीं प्रतिबिंब विलोकुनि घालित तेथ उडी ॥ हंस गगनिंचा तारा उदकीं निरखुनि देत बुडी ॥
मूढ कसा मृग नाभि उपेक्षुनि हिंडत बुद्धि कुडी ॥ तेविं सखा हरि सांडुनियां दुरी फिरसी देशधडी ॥२॥
इंद्रजाळ मृगतोय जसें जगडंबर हा विलसे ॥ स्वप्नदशे गज मत्त तुरंगम संभ्रम तेविं दिसे ॥
क्रूर भवार्णवकर्णधार गुरु आन उपाय नसे ॥ पूर्ण रंग निज रामपदीं मग दुर्गम काय असे ॥३॥

पद ३०४. (झेलारे भाईनो झेलारे)
नमन सर्वगता स्वामी श्रीगुरुसमर्था रे ॥ स्थूल सूक्ष्मीं लक्षितां सर्वंहि तुझाचि तूं तत्वता रे ॥
नाना वाद्यध्वनी परि ते नादीं एकात्मता रे ॥ तैसी द्वैतवार्ता नाहीं तुजमाजिं सर्वथा रे ॥धृ०॥
अनेक दिसती व्यक्ती वसुधा शोभे त्या त्या रिती रे ॥ नद नदि वापी कूप उदकीं नाहीं भिन्न जाती रे ॥
घट मठ महदादिकीं नभ हें निर्विकार स्थिती रे ॥ उत्पत्ति स्थिति कल्पांतीं निश्वळ अविनाश निजमूर्ती रे ॥१॥
सर्वभूतीं जगदीश गुज हें सांगे वेदवाणी रे ॥ हाचि निज निर्वाह केला शास्त्रीं आणि पुराणीं रे ॥
सज्जन चिन्मय खाणी हे सुख सांगति तें निर्वाणीं रे ॥ दयाळ साधक जना बोधिति माथां ठेउनि पापी रे ॥२॥
अस्तिभावें पाहातां विश्वचि न पडे ठावें रे ॥ अन्वयव्यतिरेकेंविण उरलें नित्य शुद्ध स्वभावें रे ॥
सहज पूर्ण तें निजानंद पद कवण्या रंगें ध्यावें रे ॥ तन्मय होउनि गर्जति श्रुति अज अनिर्वाच्य नांवें रे ॥३॥

पद ३०५.
(ठोड वीटपर नीट कटीपर या चा. कबीरधाटी अभाग्याच्या घरीं)
कैसी घेतलिसे पाठी जाहली जीवत्वाची साठी वो ॥
मुळिचें वैर साधिलें न बोलवे आटाआटी वो ॥धृ०॥
अवचित याची दिठी पडतांचि नाहीं नाहीं केलें रे ॥
अहंपणाहि लागुनि नुरवी बोले तितुकें ठेले वो ॥१॥
अघटित घटना मायापट हा माझा नेउनि जाळी वो ॥
करूनि उघडी घालवि फुगडी दुर्घट हें कपाळीं वो ॥२॥
हा नाहीं म्हणवुनि जाय तेथें प्रकट याचे पाय हो ॥
सर सर परता म्हणतां न ये निकट ये अपाय वो ॥३॥
नाडियलें बहु येणें याच्या ऐकत होतें गोष्टी वो ॥  
नामरूपहि नुरवी मी पडियलें त्या संकटिं वो ॥४॥
अनाथ मी मज न दिसे कोण्ही पडिलें मौनचि पाहीं वो ॥
दावि तैं निर्वैर निजानंदीं रंग नाहीं वो ॥५॥

Translation - भाषांतर
N/A

References : N/A
Last Updated : 2016-11-11T12:52:17.1870000

Comments | अभिप्राय

Comments written here will be public after appropriate moderation.
Like us on Facebook to send us a private message.

battery

  • स्त्री. बॅटरी 
  • पु. Zool. समूह 
  • स्त्री. मारपीट 
  • स्त्री. Elec.(a group of two or more primary cells or accumulators, electrically connected in series or in parallel) बॅटरी 
More meanings
RANDOM WORD

Did you know?

पंचप्राणांना भोजनापूर्वी आहुती का द्यावी ?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.