TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ४५१ ते ४५५

पदसंग्रह - पदे ४५१ ते ४५५

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ४५१ ते ४५५
पद ४५१. [चाल-अभंग.]
नामापरतें सार नाहीं ॥ भजा राघवाचे पायीं ॥ध्रु०॥
वेदं बहु केली खटपट ॥ निश्वय केला हा शेवट ॥१॥
अनंत शास्त्रांचा हा अर्थ ॥ हाचि केला निश्चितार्थ ॥२॥
पुराणेंही बहु बोलिलीं ॥ अंतीं हेचि बुद्धी केली ॥३॥
व्यास सनकादिक नारद ॥ बोले परिक्षिती प्रर्‍हाद ॥४॥
नामें प्राप्त निजानंद ॥ रंगातीत शुद्धबुद्ध ॥५॥

पद ४५२. [डफगाण]
दुर्जन पदोपदीं दु:ख दावी ॥ साधु पदोपदीं नीववी ॥ म्हणवुनि संगती करावी साधुचि पैं ॥ध्रु०॥
सहज गुण चंदना ॥ आणि ते दुर्गंधी हिंगणा ॥ तैसें साधु आणि दुर्जना सहज भाव ॥१॥
जिसा गुळ आणि लसुण ॥ तैसें साधु आणि दुर्जन ॥ स्वभाव तयांचा गुण बोल ठेवूं नये ॥२॥
हिंगें घाणी कशी टाकावी ॥ गुळें गोडी कशी सोडावी ॥ म्हणवुनि स्वभावेंचि पूर्वीं निर्माण झालें ॥३॥
सज्जना हो ह्मणतां दुर्जन ॥ सज्जना होतां नये जाण ॥ दुर्जना हो ह्मणतां सुमन ॥ त्या होतां नये ॥४॥
जैसा वायस आणि कोकिळा ॥ वर्ण एकचि दिसतो काळा ॥ परि त्या बोलतां अंतरकळा निवताती ॥५॥
किंवा तवा आणि आरसा ॥ वर्ण एकचि परियसा ॥ पाहातां वदनेंदु-प्रकाशा अंतर निवे ॥६॥
ह्मणवुनि सांडुनि निंदा स्तुतीं ॥ आदरें किजे सत्संगती ॥ तरीच निजानंदप्राप्ती सर्व रंगीं ॥७॥

पद ४५३.
श्रीगुरुराज सखा ॥ झाला पावें स्वसुखा ॥ध्रु०॥
मजला म्यां हारविलें होतें ॥ नेणिव काळ वाखा ॥१॥
आपापणा भेटविलें मातें ॥ होतां ज्ञान उखा ॥२॥
सहज पूर्ण निजरंग रंगला ॥ न वदवे सहस्रमुखा ॥३॥

पद ४५४.
कारण श्रीगुरुराजकृपा ॥ध्रु०॥
जन्म जरा मरण हे यांची ॥ हरिली सर्व त्रपा ॥१॥
निजभावें शरणागत त्यातें ॥ घालित मोक्ष प्रपा ॥२॥
निजरंगें रंगवुनि जनिं वनीं ॥ दावी चित्स्वरुपा ॥३॥

पद ४५५.
प्राणी त्यागुनि स्वात्मसुखा तो ॥ आदरें विषय विष खातो ॥ध्रु०॥
ब्रह्मारण्यविलासी भवगजमस्तक मुक्त उपेक्षी ॥ इंद्रियग्रामिचा सिंह ह्यणवुनि शुभाशुभ फळें भक्षी ॥१॥
मुक्तपणें चिन्द्रगनविहारी टाकुनि सुमन सुगंधी ॥ पंचकोशकमळीं जीव षट्‌पद बद्ध अविद्याबंदीं ॥२॥
दिव्य सुगंधं स्वनाभिसि असतां नकळे जीवकुरंगा ॥ सहज पूर्ण निजरंग उपे क्षुनि भुलला विषयकुरंगा ॥३॥

Translation - भाषांतर
N/A

References : N/A
Last Updated : 2016-11-11T12:52:18.9370000

Comments | अभिप्राय

Comments written here will be public after appropriate moderation.
Like us on Facebook to send us a private message.

Motor Bus Driver

  • बस चालक 
RANDOM WORD

Did you know?

जेवण उष्टे सोडून अन्नाचा अपमान करणार्याला विविध शास्त्र, पुराणात काय शिक्षासांगितली आहे कृपाया संदर्भासह स्पष्ट करणे .
Category : Vedic Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.