TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ५६६ ते ५७०

पदसंग्रह - पदे ५६६ ते ५७०

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ५६६ ते ५७०
पद ५६६. [चाल-पार्वतीवर मीं नमिला शिवशंकर.]
आपुल्या नामासाठीं नामांकित धांवुनि येती ॥ध्रु०॥
भक्ता प्रर्‍हादाकारणें ॥ स्तंभीं प्रकटुनि संरक्षणें ॥
नाहीं पडों दिधलें उणें ॥ नाम स्मरतां संकटीं ॥१॥
पशू गजेंद्रा भवजळीं ॥ नांव स्मरतां तये काळीं ॥
धांवुनि येउनि त्वां वनमाळी ॥ सरता केला वैकुंठीं ॥२॥
गणिका कुट्टिनी पापराशी ॥ अजामिळ तो महा दोषी ॥
कैवर्तक तो केला ऋषी ॥ नामें स्मरतां उफराटीं ॥३॥
श्री हरी भक्तकामकल्पद्रुम ॥ मुनिजनमनविश्रामधाम ॥
शरणागत प्रतिपाळक नाम ॥ श्रुति गर्जती बोभटीं ॥४॥
नाम स्मरतां ते द्रौपदी ॥ संरक्षिली पदोपदीं ॥
सहज पूर्ण निजानंदीं ॥ कृष्णरंगीं रंगली ॥५॥

पद ५६७. [चा. सदर.]
तुझीं बिरुदें त्वां जतन करावीं आतां ॥ध्रु०॥
निगमागमें वाखाणिलीं ॥ त्यांत एक दोन हरविलीं ॥
उरलीं जतन करावीं आपुलीं ॥ ज्याचीं त्यानें विवेकें ॥१॥
आम्हीं आपलीं आपण यत्नें ॥ संरक्षिलीं जैसीं रत्नें ॥
ह्रदयीं धरूनी करितों जतनें ॥ नानापरी दिनरजनीं ॥२॥
पतीतपावन करणें एक ॥ दीनबंधुपण अमोलीक ॥
दोन्ही गमाविलीं लौकिक ॥ होवू पाहातो तुझा ॥३॥
पतीतपण हें आम्हीं चित्तीं ॥ धरिलें न सोडूं कल्पांतीं ॥
पावनपण हें तुझें अंतीं ॥ दिसेनासें पैं झालें ॥४॥
काया वाचा मनें दीन ॥ आम्हीं सर्वस्वें संपन्न ॥
तूं दीनबंधु म्हणतां मौन ॥ धरूं नमो निजरंगा ॥५॥

पद ५६८. [चा. सदर.]
ज्ञानी परमहंस तो जाणावा ॥ध्रु०॥
मुनिजनमानस विजनविहारी ॥ मुक्त मुक्ताफळ आहारी ॥
नित्यानित्य विचार करी ॥ क्षीरनीर बिभागी ॥१॥
स्वीकारुनी सारभाग ॥ करितो अनित्याचा त्याग ॥
ऋद्धि सिद्धि स्वर्गभोग ॥ गौण मानुनी राहे ॥२॥
सहज पूर्ण निजानंद ॥ रंगीं रंगला स्वच्छंद ॥
निरतिशय सुख निर्द्वंद्व ॥ सच्चिद्बुवनीं विराजतो ॥३॥

पद ५६९. [चा. सदर.]
भगवंत निजभक्तांचीं संकटें दूर करितो ॥ध्रु०॥
कांता कांचन पुत्र धन ॥ भाग्य त्नैभवसंपन्न ॥
होतां करितिल आनोआन ॥ म्हणऊनि धन कांचन हरितो ॥१॥
मोहमदें मदोन्मत्त ॥ कदां होऊं नेदी चित्त ॥
त्याचें करणें तें स्वहित ॥म्हणवुनि पाश वारितो ॥२॥
सर्वसंग परित्यागी ॥ निरपेक्ष जे वीतरागी ॥
निजानंदें सर्वसंगीं ॥ त्यांना सत्वर उद्धरितो ॥३॥

पद ५७०. [चा. सदर.]
उच्चारीं वाचे श्रीराम जयराम जय जय राम ॥ध्रु०॥
मंत्र त्रयोदशाक्षरी ॥ जपतां निरंतर वैखरी ॥
रामरूप चराचरीं ॥ सबाह्म अंतरीं दाटे ॥१॥
उफराटिया नामासाठीं ॥ वाल्मिक तरला उठाउठीं ॥
वदला रामायण शतकोटी ॥ भविष्य अवतारापूर्वीं ॥२॥
भवभय बापुडें तें काय ॥ जैसा मिथ्या मृगजळ न्याय ॥
रामनामस्मरणें होय ॥ निर्विष सांब सदाशिव तो ॥३॥
नारदादिक महामुनी ॥ स्मरणें पावन करिती अवनी ॥
स्वयें विचरती चिद्भुवनीं ॥ नीजानंदें निर्द्वंद्वें ॥४॥
सहजीं सहज पूर्ण रंग ॥ तें हें नामस्मरण नि:संग ॥
येणें तरले अभंग ॥ सर्व रंगीं वर्ततां ॥५॥

Translation - भाषांतर
N/A

References : N/A
Last Updated : 2016-11-11T12:52:20.4670000

Comments | अभिप्राय

Comments written here will be public after appropriate moderation.
Like us on Facebook to send us a private message.

कसायाला गाय धारजिणी

  • गाय इतरांना लाथा मारील पण कसायापुढे अगदी गरीब होते. त्‍याचप्रमाणें करड्या मालकांची कामे नोकरलोक अचूक करतात, पण गरीब दयाळू मालकाच्या कामाची टाळाटाळ करतात. 
RANDOM WORD

Did you know?

what is the history behind " HARI MERE HALAR KI LAKARI" made by Surdasji?
Category : Hindu - Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.