TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्रीरंगनाथस्वामीकृत पदसंग्रह|
पदे ३४६ ते ३५०

पदसंग्रह - पदे ३४६ ते ३५०

रंगनाथ स्वामींचा जन्म शके १५३४ परिघाविसंवत्सर मार्गशीर्ष शुद्ध १० रोजीं झाला.


पदे ३४६ ते ३५०
पद ३४६. (लक्षमन बाला क्यों नहि या चालीवर)
कैसा स्वयंपाक केला सांग मनुबाई ॥ सावधान होउनि चित्त ठेवुनियां ठायीं ॥धृ०॥
व्कचित्‌ पव्क अर्ध पव्क एक जैसे तैसें ॥ करपलें एक लवण हीन जळो जिणे ऐसें ॥१॥
एक खारट एक तुरट एक कडू आंबट भारी ॥ समजोन ये घरिंचे घरिं चेरा होतो पारी ॥२॥
अपणा न ये सांगसि लोकां हे तो दुष्ट खोडी ॥ चांग भांग डोलसि शेजा करिती डोई बोडी ॥३॥
मागें झाल्या होती पुढें सांप्रतही थोडया ॥ चतुर बाया मिरवताति फजित होति वेडया ॥४॥
पांच दिवस ज्याचे बाई धन्य म्हणवुनि ध्यावें ॥ रंगल्या ज्या निजानंदें त्यांसि वर्म ठावें ॥५॥

पद ३४७. (कलयुगीं घरोघरीं संत झाले फार या चा.)
पडों त्याच्या पायां जो न विसंबे ठाया ॥ राहतां दुश्वितपणें सौरस्य गेलें वायां ॥धृ०॥
जेवणार तेहि भले पूर्ण तृप्त होती ॥ कल्पनेचा स्पर्श होतां सदां मुखिं माती ॥१॥
चतुर्विध अन्न त्याचा अनुक्रम जाणें ॥ अधिकारें ग्रास घेती तृप्ति त्यांचि बाणे ॥२॥
प्राणांचा प्राण स्मरण धर्म जीविं वाहे ॥ रामकृष्ण निरुक्तिचा अर्थ होउनि राहे ॥३॥
पूर्वापर नित्य तृप्त कळा त्याचि पाहें ॥ जीवनाच्या तोषें उद्नार देत आहे ॥४॥
ब्रह्मबोधें सहज छंदें पूर्ण सुखी झाला ॥ निजानंद रंग संगें संसारा आंचवला ॥५॥

पद ३४८. (जोगिण)
ऐसी मी जोगिणी जाहलें ॥ प्रीति अलक्ष राउळा रातलें ॥१॥
अलक्ष म्हणुनि उभा राहिला ॥ जीव देखोनि तयासि भूलला ॥२॥
चहूं पालवीं झालें मोकळी । तेचि हातीं पें निरंतर झोळी ॥३॥
श्रवणिं श्रवणमुद्रा घातली ॥ तेणं अत्यंत शोभा मज आली ॥४॥
त्रिगुणांचा गोंवर घातला ज्ञान आग्नि लाउनियां जाळीला ॥५॥
शांति विभूति अंगीं चर्चिली ॥ शुद्ध सत्व शूभ्रता पातली ॥६॥
अनुहात शिंगी वाजवी । आवघा तूं तूं म्हणवुनि सादवी ॥७॥
रामरस सेवुनि जाहलें उन्मत्त ॥ सहज पूर्ण निजानंदें डुल्लत ॥८॥
आवडिं याचे पायिं रंगलें ॥ स्वयें निजानंद होउनि ठेलें ॥९॥

पद ३४९. (अभाग्याच्या० या चा.)
रंगीं रंगावें वेधकें दशरथ कुळदीपके ॥धृ०॥
रंगीं रंगा न येशी रामा फुटली ह्रदय डांक ॥ नरदेहाची घडी तुजविण वायां जाते देख ॥
अनुसंधान सुमनमाळा कोमेली नि:शेख ॥ सत्वाचा घट भरिला वेगीं येउनि देईं सूख ॥१॥
रंगा न येसिं तरि हें रंग नाम कां ठोविलें ॥ नुपेक्षावें ब्रीद आतां सुख देईं आपुलें ॥
भक्तवत्सल ब्रीद रामा बाई काय झालें ॥ दुर्घट भूतवासना इनें मन माझें घेरिलें ॥२॥
ज्ञानदीप पाजळदा स्नेहा संरलें रामाबाई ॥ हर्षाच्या गोंधळिं येउनि भक्तां सुख देईं ॥
निजानंदं पूर्ण माझें प्रगटावें ह्रदयीं ॥ रंगलें मन रंगें रंगमूर्ति ठायीं ॥३॥

पद ३५०. (डफगाणें. चा. बोलणें फोल झालें.)
तो राम झुलतो झुलतो झुलतो मज देखुनि आनंद होतो ॥ माझा स्वामि तो स्वामि तो तो मज भवसागरिं तारितो ॥
माझा जनक तो जननी तो मनाचें मोहन तो ॥धृ०॥
आजि दिवस सोनियाचा समुदाय मिळाला संतांचा ॥ गाति प्रताप रघुरायाचा नानापरी ॥१॥
राम दशरथनंदन सूर्यवंशाचें भूषण ॥ झालें पतित जन पावन हो ज्याच्या नामें ॥२॥
अहं-रावण मारिला काम कुंभकर्ण वधिला ॥ भाव विभीषण स्थापिला चिरंजीव जेणें ॥३॥
नामें गणिका तारिली चरणीं शिळा उद्धरिली ॥ वानरें वनचरें तारिलीं रामचद्रं ॥४॥
राम राज्याचि नवलपरी सारी खेळतां म्हणती मारी ॥ बंधन पुष्पा दंड छत्निचा निर्धारी ॥५॥
तो राम निजानंदघन माझ्या जिवाचें जविन ॥ रंगातीत परिपूर्ण राम निजमूर्ति ॥६॥

Translation - भाषांतर
N/A

References : N/A
Last Updated : 2016-11-11T12:52:17.6400000

Comments | अभिप्राय

Comments written here will be public after appropriate moderation.
Like us on Facebook to send us a private message.

दांडरॉ

  • पु. ( गो . ) १ केळीच्या पानाचा दांडा ; दांडोरा . २ केळीचे सबंध पान , डांग . [ दांड - डा ] 
RANDOM WORD

Did you know?

गणेश गीता कोणी वाचावी ?
Category : Puranic Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.