आदिशङ्कराचार्यपूजाविधिः - प्रसन्नार्घ्यम्, प्रार्थना

प्रसन्नार्घ्यम्
ॐ तत्पुरुषाय विद्महे महादेवाय धीमहि तन्नो रुद्रः प्रचोदयात् ॥
प्रसन्नहृदयाम्भोज प्रपन्नार्तिप्रभञ्जन ।
प्रकृष्टज्ञानमाहात्म्य प्रसन्नार्घ्यं ददामि ते ॥
श्रीशङ्करभगवत्पादाचार्यस्वामिने नमः इदमर्घ्यमिदमर्घ्यमिदमर्घ्यम् ॥

प्रार्थना
अनेकजन्मसम्प्राप्त कर्मबन्धविदाहिने ।
आत्मज्ञानप्रदानेन तस्मै श्रीगुरवे नमः ॥
ज्ञानं देहि यशो देहि विवेकं बुद्धिमेव च ।
वैराग्यं च शिवां विद्यां निर्मलां भक्तिमन्वहम् ॥
अद्वैतसारसर्वस्व संग्रहोत्सुकमानस ।
शिष्योपदेशप्रणयिन् प्रार्थनां ते समर्पये ॥
श्रीशङ्करभगवत्पादाचार्यस्वामिने नमः प्रार्थयामि ॥