आत्माराम रावजी देशपांडे - हृदयींच्या अंधारांत लाविय...

हृदयींच्या अंधारांत लावियेली फुलवात !
तुवां आपुलिये हातीं उजळिली दिव्य ज्योती !
कोनाकोनीं खुले कांती सरे जीवनाची भ्रांति !
तेज पसरे प्रशांत हृदयींच्या मंदिरांत !

+   +   +   +
अनंताचें द्वार खुलें सांतामधूनिया झालें !
तमांतूनि ये प्रकाश व्यापी हृदय - आकाश !
मूर्तिमधूनी प्रचीती अमूर्ताची होई चित्तीं !
फुटे शब्द नि:शब्दाला हृदयींच्या जिव्हाळ्याला !
हृदयींच्या अंधारांत लावियेली फुलवात !