श्री. बा. रानडे - करवंदीच्या जाळींत घोस लो...

करवंदीच्या जाळींत
घोस लोंबती रसरसले
कांटे चुकवुनि
अलग झेलुनी
मधुर रसा लुटवील अशी
जादू कोठें मिळे कशी !     १
अस्फुट नलिनीकलिकेंत
पराग झोपेंतच हंसले
सुमदल  विकसुनि
सुगंध विखरुनि
परागकण वर उधळि अशी
जादू कोठें मिळे कशी !      २
खोल मनाच्या तिजोरिंत
रत्न प्रीतिचें दडवीलें
कुलुप तोडुनी
प्रभा फांकुनी
रमनमानसा रिझवि अशी
जादू कोठें मिळे कशी ?      ३
ओष्टपुटांच्या खिंडींत
शब्द बावरे अडखळले
कपोल फुलवुनि
लाज पळवुनी
नादें अवनी भरिल अशी
जादू कोठें मिळे कशी !     ४