य. न. केळकर - सागराची बाव । पहाडाची धाव...

सागराची बाव । पहाडाची धाव
थोराड बडव । सुळक्याचं ।
सूर्यांचें अभंग । माचाडाचा चाक
मुळीं कुचकूच । करीना तें ॥
दिवसाचा शुभ्र । नाडा चाकीं सर
रात्रीचा सौंदर । मळीण तो ॥
मोट्करी मौजा । रगडुनी गाई
घुमविली राई । भोंतालची ॥
वार्‍याची चपळ । बैल भीमबळ
परी चळपळ । कांपताती ॥
विजेचा आसूड । मारी फडाफड
बैल जीवापाड । ओढ घेती ॥
ओडत्याती बैल । झराझर आलं
जळाचं मोहळ । निथळत ॥
लाखो पखालींची । मेघाची वो मोट
क्षितिजाची वाट । चढों येते
धो धो घुमराई । झाली एक घाई
मोट रिती होई । कोसळतां
खोर्‍याचें थारोळ । जळ उचंबळ
नद्यांचे वहाळ । जळ उचंबळ
नद्यांचे वहाळ । खळाळती
सृष्टीच्या शेतांत । वावरांचे वाफ
वहाले आपाप । भिजोनिया ॥