TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|
भला जन्म हा तुला लाधला खु...

रामजोशी - भला जन्म हा तुला लाधला खु...

मराठी शब्दसंपत्ति


भला जन्म हा तुला लाधला
भला जन्म हा तुला लाधला खुलास हृदयीं बुधा । धरिसि तरि हरिचा सेवक सुधा ॥धृ०॥
चराचरीं गुरु तरावयाल नरा शिरावरि हरी । जरी तरि समज धरी अंतरीं । हटातटानें पटा रंगवुनि जटा धरिशि कां शिरीं । मठाची उठाठेव कां तरी । वनांत अथवा जनांत हो कां मनांत व्हावें परी । हरीचें नांव भवांबुधिं तरी । चाल ॥ काय गळ्यांत घालुनि तुळशीचीं लांकडें । ही काय भवाला दुर करितिल माकडें । बाहेर मिरविशी आंत हरिशिं वांकडें । अशा भक्तिच्या रसारहित तूं कशा म्हणविशी बुधा । हरिरस सांडुनि घेसी दुधा ॥ भला० ॥1॥  
जाळ गळ्यामधिं माळ कशाला व्याळ काम कोपला । आंतुनि बाहेर म्हणविशी भला । वित्त पाहतां पित्त येतसे चित्त पाहिजे मला । असें हरि म्हणतो नुमजे तुला । दांभिक्त वर संभावित अभ्यंतरीं नाहिंस बिंबला । बहिर्मुख नर नरका लाधला ॥ चा० ॥ तूं पोटासाठीं करिं खटपट भलतिशी । परि भक्तिरसाविण हरि भेटेल काय तुशी । काय मौन धरुनियां गोमुखिला जाळिशी । स्वार्थसुखें परमार्थ बुडविला अनर्थ केला सुधा । न जाणसि कांजी म्हणसी सुधा । भला० ॥२॥
टिळा टोपिवर शिळा पडो या बिळांत करिसी जपा । तथापि न होय हरीची कृपा । दर्भ मुष्टिच्या गर्भिं धरुनिया निर्भर पशुची वपा । जाळिशी तिळा तांदुला तुपा । दंडकमंडलु बंड माजविशी मुंड मुंडिशी तपा । न सार्थक लटक्या सार्‍या गपा ॥ चा० ॥ ही बारबार तलवार येइल काय पुन्हा । ह्या दुर्लभ नरदेहांत ठेविशी कुण्हा । भगवंत भुकेला भक्तीचा पाहुणा । वर्म कळेना धर्म घडेना कर्म चित्त न द्विधा । सदा हरि कविरायावर फ़िदा ।  भला जन्म हा तुला० ॥३॥

Translation - भाषांतर
N/A

References : N/A
Last Updated : 2018-01-22T19:07:05.8130000

Comments | अभिप्राय

Comments written here will be public after appropriate moderation.
Like us on Facebook to send us a private message.

उपलक्षणात्मक

  • वि. औपचारिक दिग्दर्शक ; निमित्त मात्र ; प्रत्यक्ष कृति न करतां हेतु उघड करण्याइतकीच कृति करण्यापुरता . ' उपलक्षनात्मक सत्याग्रह करणारांची मुक्तता करण्यास हरकत नाही .' - के . ८ . १२ . ४१ . ( सं .) 
RANDOM WORD

Did you know?

relatives kiva veh itar lokanchya divsache bhojan ghyave ka ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site