बोरीकर यांजवरील पदे - पदे ३७१ ते ३७४

पद ३७१ वें.
धन्य धन्य अवतारचि केवळ जगन्नाथ दासाचा । ज्ञान-भक्तिवैराग्यविराजित जगदोद्धारक साचा ॥धृ०॥
पतित पावन व्हाया देशोदेशीं वास जयांचा । जिकडे तिकडे थाट चालविति कीर्तन सप्ताहांचा ॥ध०॥१॥
निरहंकारी प्रेमळ भारी स्वभाव शांत मनाचा । इंद्रिय-निग्रह बळकट जैसा परिसों योगि शुकाचा ॥ध०॥२॥
नरनारी आबाल-वृद्ध यां जिवलग होय जिवाया । निंदास्तुति सम अद्वय भावें भोक्ता भजन-सुखाचा ॥ध०॥३॥
कोणी कांहिं म्हणो आवडता कृष्णाजगन्नाथचा । भला भला सत्पुरुष लाभला पुतळा भक्तिरसाचा ॥ध०॥४॥

पद ३७२ वें
असुनी सुजाण कां नजाणत्यासम गोपी छळिसी । प्राण-जीवना, रे कृष्णा प्राण०॥धृ०॥
इंद्रियवृत्ती मज नावरती या । लक्षुनी प्रमाण, मी रममाण व्हाया, अंतरसाक्षी । आणित्यें मना रे कृष्णा प्राण जीवना ॥अ०॥१॥
अनुसंधाना चुकविती कान्हा या । चिद्रत्नाचि खाण, आपण आण,- वाहुनि मन्मन कथित्यें । आनंदघनारे कृष्णा प्राण जीवना ॥अ०॥२॥
चंचलचित्ता कृष्ण जगन्नाथा या । नव्हसी लहान, तूम महान, सुमति पाहाना कैसें । मनमोहना रे कृष्णा, मनमोहना ॥अ०॥४॥

पद ३७३ वें.
आला आला पाहुंया कृष्ण द्वारकेचा । भक्त भजन रत प्रियपूर्ण राधिकेचा ॥धृ०॥
शोषुनि करि उद्धार दुष्ट बकीचा । स्वछंद होय हा नंद देवकीचा ॥आ०॥१॥
मंदहसित मुख आनंदकंद मुळिंचा । कृष्ण जगन्नाथ सांपडला गोकुळींचा ॥आला०॥३॥

पद ३७४ वे.
सद्नसपाना, यदुपति कान्हा, ठकुनि आम्हांना, करीं गो-पराणा ॥सद्रस०॥धृ०॥
किति नवलाई बोलूं याची थोरी । अतंर्गत दधि नवनीत चोरी । करितो हा आत्मरूप व्रजपोरी ॥चाल॥
कल्पनेचा साक्षि जाण । दशोमति तुझि आण । केवळ चिद्रत्नांची खांण । अनुभव दे निज-भजकांना ॥सद्रस०॥१॥
मोठा चेटकि ग हा निजतान्हा । आत्मगदवांसंगें खेळ खेळ नाना । आम्ही जातां यमुनेचे तीरीं स्नाना ॥ चाल ॥ वस्त्रें घेऊनियां जाय । झालों असतां नग्न काय । म्हणे वंदा सूर्यराय । सांडूनियां लाज देह-अभिमाना ॥सद्रस०॥२॥
कृष्णजगन्नाथ होय अवतारी । दावूनीयां लीला नव नव तारी । वाटे त्रिजगाचा एक सूत्रधारी ॥चाल॥
धरूं जातां अनुसंधान । चुकवितो व्यवसान । नुरवितो देहभान । कोण जाणे याच्या महिमाना ॥सद्रस०॥३॥