नक्षत्रजननशांतयः - ज्वरादिसर्वरोगनाशकानि

रोगानुसारेण श्रीमद्भागवतस्थज्वरस्तोत्रजपः शिवमहिम्नस्तोत्रस्य लघुरुद्रमहारुद्रातिरुद्राणां जपोऽभिषेको वा विष्णुसहस्रनामस्तोत्रस्य शतं सहस्रमयुतं वा जपः सूर्यमंत्रजपः सूर्यनमस्कारार्घ्यदानानि मृत्युंजयमंत्रजपः अच्युतानंत गोविंदेति नामत्रयजपो वा रोगानुसारेणेति सर्वरोगहराणि ॥ ॥ रोगमुक्तस्नानम् ॥ रिक्तायां मिश्रक्षिप्रेंद्रमूलपूर्वासु चित्राभरणीश्रवणत्रयभेषु रविकुजार्कवारेषु वैधृतौ व्यतीपाते भद्रायां संक्रांतौ चंद्रताराबलं विनापि रोगमुक्तः स्नायात् ॥