पिशुनश्चपलो दुष्टः पापकर्मा निराकृतिः ।
परेषां व्यसने सक्तः प्रथमांशे प्रजायते ॥१॥
उत्पन्नविभवो भोक्ता संग्रामे विगतस्पृहः ।
गान्धर्वप्रमदासक्तो द्वितीयांशे प्रजायते ॥२॥
धर्मिष्ठः सन्ततव्याधिः सर्वसारज्ञ एव च ।
सर्वज्ञो देवताभक्तसृतीयांशे प्रजायते ॥३॥
चतुर्थाशेऽभिजातस्तु दीक्षितो गुरुभक्तिमान् ।
यत्किंचिद्धरणौ वस्तु तत्सर्व लभते हि सः ॥४॥
सर्वलक्षणसंपन्नो राजा भवति विश्रुतः ।
दीर्घायुर्बहुपुत्रश्च जायते पञ्चमांशके ॥५॥
स्त्रीनिर्जितः शुभैर्हीनो बहुमानी नपुंसकः ।
अर्थध्वसी प्रमाथी च षष्ठांशे जायते नरः ॥६॥
विकान्तो मतिमाञ्छूरः संग्रामेष्वपराजितः ।
महोत्साही च संतोषी जायते सप्तमांशके ॥७॥
कृतघ्नो मत्सरी क्रूरः क्लेशभोगी बहुप्रजः ।
फलकाले परित्यागी जायते चाष्टमांशके ॥८॥
क्रियासु कुशलो दक्षः सुप्रतापी जितेन्द्रियः ।
भृत्यैश्च वेष्टितो नित्यं जायते नवमेंऽशके ॥९॥