मेषलग्ने समुत्पन्नश्चण्डो मानी धनी शुभः ।
क्रोधी स्वजनहन्ता च विक्रमी परवत्सलः ॥१॥
वृषलग्नभवो लोके गुरुभक्तः प्रियंवदः ।
गुणी कृती धनी लोभी शूरः सर्वजनप्रियः ॥२॥
मिथुनोदयसंजातो मानी स्वजनवल्लभः ।
त्यागी भोगी धनी कामी दीर्घसूत्रोऽरिमर्दकः ॥३॥
कर्कलग्ने समुत्पन्नो भोगी धर्मजनप्रियः ।
मिष्टान्नपानसंयुक्तः सौभाग्यः सुजनप्रियः ॥४॥
सिंहलग्नोदये जातो भोगी शत्रुविमर्दकः ।
स्वल्पोदरोऽल्पपुत्रश्च सोत्साही रणविक्रमः ॥५॥
कन्यालग्ने भवेद्वलो नानाशास्त्रविशारदः ।
सौभाग्यगुणसंपन्नः सुन्दरः सुरतप्रियः ॥६॥
तुलालग्नोदये जातः सुधीः सत्कर्मजीविकः ।
विद्वान् सर्वकलाभिज्ञो धनाढ्यो जनपूजितः ॥७॥
वृश्चिकोदयसंजातः शौर्यवान्धनवान्सुधीः ।
कुलमध्ये प्रधानश्च प्राज्ञः सर्वस्य पोषकः ॥८॥
धनुर्लग्नोदये जातो नीतिमान् धर्मवान्सुधीः ।
कुलमध्ये प्रधानश्च प्राज्ञः सर्वस्य पोषकः ॥९॥
मकरोदयसंजातो नीचकर्मा बहुप्रजः ।
लुब्धो विनष्टोऽलसश्च स्वकार्येषु कृतोद्यमः ॥१०॥
कुंभलग्ने नरो जातोऽचलचित्तोऽतिसौदृदः ।
परदाररतो नित्यं मृदुकार्यो महासुखी ॥११॥
मीनलग्ने भवेब्दालो रत्नकाञ्चनपूरितः ।
अल्पकामोऽतिकृशश्च दीर्घकालविचिन्तकः ॥१२॥