TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|भा. रा. तांबे|संग्रह ३|
जेव्हां लोचन हे

जेव्हां लोचन हे

भा.रा.तांबे यांच्या कविता अत्यंत हळुवार असून त्या मनाला भिडतात


जेव्हां लोचन हे

जेव्हां लोचन हे तुझे विहरती या माझिया लोचनीं

तेव्हां ज्योति झळाळते जिवलगे, सौदर्यसीमाच ती !

वर्णाया तरि वर्ण आणुं कुठुनी ? कुंठेच माझी मती,

राहीं मूक उभा, गती नच अतां वाचाळतेलागुनी.

कैशी मी लपवूं, कुठे छिपवुं ही रम्याकृतींची खनी ?

हें माझें पडके भिकार घरटें, या चोरही घेरिती,

ठेवूं मी ह्रदयांतरीं तरि तया कांटे अतां व्यापिती,

कोठे ठेवुं तरी सुरक्षित हिला काळाचियापासुनी ?

वाणीचें बनवीन मंदिर तरी सौभाग्य तें कोठुनी ?

जें लाभे कविला तया यम जया कांपे सदा निर्दय.

रंगीं रंगुनि जो रची सुकवितामंजूशिका-वाङ्मय

त्याला ये लपवावया निजसखी, आशा वृथा मन्मनीं !

आतां दीनदयाघना, चरणिं रे ही एकचि प्रार्थना,

नेता पुण्यमयी प्रिया तिजसवें ने पातकी या जना.

Translation - भाषांतर
N/A

कवी - भा. रा. तांबे

काव्य प्रकार - सुनीत

वृत्त - शार्दूलविक्रीडित

ठिकाण - अजमेर

दिनांक - ७ डिसेंबर १९२२

Last Updated : 2012-10-11T13:14:42.4700000

Comments | अभिप्राय

Comments written here will be public after appropriate moderation.
Like us on Facebook to send us a private message.

temporal pattern

  • कालबद्ध रूप 
RANDOM WORD

Did you know?

why treeepad veedhee ? narrate
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site