मराठी मुख्य सूची|मराठी पुस्तके|तुकाराम बाबा अभंग संग्रह|जनांस शिक्षा| ५५३१ ते ५५४० जनांस शिक्षा ५५२३ ते ५५३० ५५३१ ते ५५४० ५५४१ ते ५५५० ५५५१ ते ५५६० ५५६१ ते ५५७० ५५७१ ते ५५८० ५५८१ ते ५५९० ५५९१ ते ५६०० ५६०१ ते ५६१० ५६११ ते ५६२० ५६२१ ते ५६३० ५६३१ ते ५६४० ५६४१ ते ५६५० ५६५१ ते ५६६० ५६६१ ते ५६७० ५६७१ ते ५६८० ५६८१ ते ५६९० ५६९१ ते ५७०० ५७०१ ते ५७१० ५७११ ते ५७२० ५७२१ ते ५७३० ५७३१ ते ५७४० ५७४१ ते ५७५० ५७५१ ते ५७६० ५७६१ ते ५७७० ५७७१ ते ५७८० ५७८१ ते ५७९० ५७९१ ते ५८०० ५८०१ ते ५८१० ५८११ ते ५८२० ५८२१ ते ५८३० ५८३१ ते ५८४० ५८४१ ते ५८५० ५८५१ ते ५८६० ५८६१ ते ५८७० ५८७१ ते ५८८० ५८८१ ते ५८९० ५८९१ ते ५९०० ५९०१ ते ५९१० ५९११ ते ५९२० ५९२१ ते ५९३० ५९३१ ते ५९४० ५९४१ ते ५९५० ५९५१ ते ५९६२ जनांस शिक्षा अभंग - ५५३१ ते ५५४० तुकारामबाबा आणि त्यांचे शिष्य यांच्या अभंगांची गाथा. Tags : abhangmarathisanttukaramअभंगतुक्राराममराठीसंत जनांस शिक्षा अभंग - ५५३१ ते ५५४० Translation - भाषांतर ॥५५३१॥देखोनि हरखली अंड । पुत्र झाला ह्मणे रांड ॥तंव तो झाला भांड । चाहाड चोर शिंदळ ॥१॥जाय तिकडे पिडी लोकां । जोडी भांडवल थुंका ॥थोर झाला चुका । वर कां नाहीं घातली ॥२॥भूमि कांपे त्याच्या भारें । कुंभपाकाचे शरीरें ॥बोले निष्ठुर उत्तरें । पापदृष्टि मळिणचित्त ॥३॥दुराचारी तो चांडाळ । पाप सांगातें विटाळ । तुका ह्मणे खळ ह्मणोनियां निषिद्ध तो ॥४॥॥५५३२॥बोलायाचा त्यासीं । नको संबंध मानसीं ॥१॥जया घडली संतनिंदा । तुज विसरुनि गोविंदा ॥२॥जळो त्याचें तोंड । नको दृष्टीपुढें भांड ॥३॥तुका म्हणे देवा । तया दुरी मज ठेवा ॥४॥॥५५३३॥कंठीं कृष्णमणी । नाहीं अशुभ ते वाणी ॥१॥हो कां नर अथवा नारी । रांड तये नांवें खरी ॥२॥नाहीं हातीं दान । शूरपणाचें कांकण ॥३॥बोलियेली संतीं । केली बोडोनी फजिती ॥४॥तुका म्हणे ताळा । नाहीं त्याची अवकळा ॥५॥॥५५३४॥व्याल्याविण करी शोभनतांतडी । चार ते गधडी करीतसे ॥१॥कासया पाल्हाळा आणिकाचें देखी । सांगतां नव्हे सुखी साखरेसि ॥२॥कुंथाच्या ढेकरें न देवेल पुष्टी । रुप दावी कुष्टी मळिण वरी ॥३॥तुका म्हणे अरे वाचाळ हो ऐका । अनुभवेंविण नका वाव घेऊं ॥४॥॥५५३५॥देखोनी पुराणिकाची दाढी । रडे फुंदे नाक ओढी ॥१॥प्रेम खरें दिसे जनां । भिन्न भावना ॥२॥आवरितां नावरे । खुर आठवी नेवरे ॥३॥बोलों नये मुखावाटां । ह्मणे होतां त्यांचा तोटा ॥४॥दोन्ही सिंगें चारी पाय । खुणा दावी ह्मणे होय ॥५॥मना आणितां बोकड । मेला त्याची चरफड ॥६॥होता भाव पोटीं । मुखा आलासे शेवटीं ॥७॥तुका ह्मणे कुडें । कळों येतें तें रोकडें ॥८॥॥५५३६॥अतिवादी नव्हे शुद्धया वीजाचा । ओळखा जातीचा अत्यंज तो ॥१॥वेद श्रुति नाहीं ग्रंथ ज्या प्रमाण । श्रेष्ठाचे वचन न मानी जो ॥२॥तुका ह्मणे मद्यपानाचें मिष्टान्न । तैसा तो दुर्जन शिवों नये ॥३॥॥५५३७॥शिंदळा साल्याचा नाहीं हा विश्वास । बाईल तो त्यास न विसंबे ॥१॥दुष्ट बुद्धि चोरी करी निरंतर । तो ह्मणे इतर लोक तैसे ॥२॥तुका ह्मणे जया चित्तीं जे वासना । तयाची भावना तयापरी ॥३॥॥५५३८॥जवळी नाहीं चित्त । काय मांडियेलें प्रेत ॥१॥कैसा पाहे चर्मदृष्टि । दीप स्नेहाच्या शेवटीं ॥२॥कांतेलेंसें श्वान । तैसें दिशा हिंडे मन ॥३॥तोचि कानीं होणे । कोण बोंब तुका ह्मणे ॥४॥॥५५३९॥छळी विष्णुदासा कोणी । त्याची अमंगळ वाणी ॥१॥येऊं न द्यावा समोर । अभागी तो दुराचार ॥२॥नावडे हरिकथा । त्याची व्यभिचारीण माता ॥३॥तुका ह्मणे याति । भ्रष्ट तयाची ते मति ॥४॥॥५५४०॥मांडवाच्या दारा । पुढें आणिला ह्यातारा ॥१॥ह्मणे नवरी आणा रांड । जाळा नवर्याचें तोंड ॥२॥समय न कळे । काय उपयोगीं ये वेळे ॥३॥तुका ह्मणे खरा । येथुनियां दूर करा ॥४॥ N/A References : N/A Last Updated : April 04, 2019 Comments | अभिप्राय Comments written here will be public after appropriate moderation. Like us on Facebook to send us a private message. TOP