TransLiteral Foundation

अप्रकाशित कविता - मी आणि माझी आऊ

डॉ. माधव त्रिंबक पटवर्धन ऊर्फ माधव जूलियन, (जन्म २१ जानेवारी १८९४; मृत्यु २९ नोव्हेंबर १९३९) हे मराठी भाषेतील प्रतिथयश कवी होऊन गेले.


मी आणि माझी आऊ
आहे शान्त नितान्त सुन्दर अषा; आकाशपन्थीं निळ्या
शिस्तीवांचुनि मेघ मध्यमगती काळे, भुरे, कापशी
नैऋत्येकडुनी चढून ठरती, जाती पुन्हा खालती
ऐकामागुनि ऐक मानवपिढया याकालपृष्टीं जशा.
छाया आणि रविप्रभा विहरती भूमीवरी चञ्चला
विश्वाच्या हृदयांतल्या गमति त्या आशानिराशा मला;
आहें खेळत ग्यालरींत बसलों मी पुस्तकांसङगतीं
केव्हाचें परि सर्व लक्ष्य अपुलें वाटेकडे लागलें.
आऊ ठेवुनि एकला मज घरीं बाहेर गेली असे,
पातेलीमधि दूधभाकर - मला आहे क्षुधा लागली.
आधी येऊनि हासुनी मम मुके घेऊल ती साखरी,
पोटाशी धरल्यावरी मज तिने मी भाकरी खाऊन.
जें तीं दे - मग मीठभाकर असो - सर्वाहुनी गोड ती
जें पाणी नयनांमधूनि तिचिया माझ्यावरी लोटतें

गंगास्नानहि तुच्छ त्या पुढति, की आचार साधे तिचे,
प्रीती गाढ, विचार अन्नत खरे, त्यांचे असें मूळ मी.

१६ जून १९१४

Translation - भाषांतर
N/A

References : N/A
Last Updated : 2016-11-11T12:50:16.9830000

Comments | अभिप्राय

Comments written here will be public after appropriate moderation.
Like us on Facebook to send us a private message.

drag shovel

  • = backacter 
RANDOM WORD

Did you know?

shatshastra konati?
Category : Puranic Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.