अप्रकाशित कविता - निनावी पक्षी

नांव गांव तव काय विहङगमा ?
साङग ! साङग चिमण्या हृदयङगमा !
पाहतांच तुजला गति खुण्टली,
पाहण्यांत तुजला मति गुन्तली. १

अन्द्रनीलमणितुल्या मनोहर
छान सान तनु ही अति सुन्दर;
भृङगतुल्य वर पङख लहानसे  -
अहिकामधि तुझी गणना नसे ! २

पुष्पतुल्य हलका अससी अहा
डाहळी न लववी तव भार हा
चोंच बारिक तुझी कुसुमान्तर
थेट जावुनि मधू तिथला हरी. ३

वायुची झुळुक त्यासम पांखरा,
सौख्यदायक परी बहु धांवरा;
स्वप्न तू युवतिच्या नवती मनीं
गुङग हो प्रथम जी प्रिय चिन्तनीं. ४

नाव काय तव सांगच प्रेमळा,
बागवान म्हणतो न कळे मला;
नाहि माहित कुणासच नांव तें
नामहीन किति सुन्दर गांव तें ? ५

सुमारें जनेवारी १९१४