मराठी मुख्य सूची|मराठी साहित्य|अभंग संग्रह आणि पदे|संत नामदेवांचे अभंग|भक्तवत्सलता १|भक्तवत्सलता २| अभंग १ ते ५ भक्तवत्सलता २ अभंग १ ते ५ अभंग ६ ते १० अभंग ११ ते १५ अभंग १६ ते २० अभंग २१ ते २५ अभंग २६ ते ३० अभंग ३१ ते ३५ अभंग ३६ ते ४० अभंग ४१ ते ४५ अभंग ४६ ते ५१ अभंग ५२ ते ५५ अभंग ५६ ते ६० अभंग ६१ ते ६५ अभंग ६६ ते ७० अभंग ७१ ते ७२ अभंग ७३ ते ७७ भक्तवत्सलता - अभंग १ ते ५ संत नामदेवांनी भक्ति-गीते आणि अभंगांची रचना करून समस्त जनता-जनार्दनाला समता आणि प्रभु-भक्तिची शिकवण दिली. Tags : abhangnamdevpandurangvitthalअभंगनामदेवपांडुरंगविठ्ठल अभंग १ ते ५ Translation - भाषांतर १. झाडलोट करी जनी । केर भरी चक्रपाणी ॥१॥पाटी घेऊनियां शिरीं । नेऊनियां टाकी दुरी ॥२॥ऐसा भक्तिसी भुलला । नीच कामें करुं लागला ॥३॥जनी म्हणे विठोबाला । काय उतराई होऊं तुला ॥४॥२. पूर्वीं काय तप नेणें पैं हो केलें । निधान जोडिलें पंढरीचें ॥१॥येऊनियां देव दळूं लागे अंगें । रखुमाईचा संग दूर केला ॥२॥तैसाचि पै संगें येऊनि बाहेरी । वेंचोनियां भरी शेणी अंगें ॥३॥ओझें झालें म्हणूनि पाठी पितांबरी । घेऊनियां घरीं आणितसे ॥४॥ऐसें जेथें काम करी चक्रपाणी । तेथें कैंची जनी नामयाची ॥५॥३. एकटी तूं गाणें गासी । दुजा शब्द उमटे पाशी ॥१॥कोण गे तुझ्या बरोबरी । गाणें गाती निरंतरीं ॥२॥पांडुरंग माझा पिता । रखुमाई झाली माता ॥३॥ऐशियाच्या घरीं आलें । जनी म्हणे धन्य झालें ॥४॥४. जनी डोईनें गांजली । विठाबाई धाविन्नली ॥१॥देव हातें बुचडा सोडी । उवा मारीतसे तांतडी ॥२॥केश विंचरुनी मोकले केले । जनी म्हणे निर्मळ झालें ॥३॥५. जनी बैसली न्यायाला । पाणी नाहीं विसणाला ॥१॥घागर घेउनी पाण्या गेली । मागें मागें धांव घाली ॥२॥घागर घेऊनियां हातीं । पाणी रांजणांत ओती ॥३॥ऐशा येरझारा केल्या । रांजण घागरी भरिल्या ॥४॥पाणी पुरे पांडुरंगा । दासी जनीच्या अंतरंगा ॥५॥ N/A References : N/A Last Updated : January 31, 2015 Comments | अभिप्राय Comments written here will be public after appropriate moderation. Like us on Facebook to send us a private message. TOP