TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|श्री कृष्णा माहात्म्य|
अध्याय ४०

श्री कृष्णा माहात्म्य - अध्याय ४०

विष्णूंच्या चरणांपासून कृष्णा नदी उत्पन्न झाली म्हणून तिचे पाणी विष्णुपादोदक आहे. त्यामुळे गंगेपेक्षाही तिचे महत्त्व अधिक आहे.


अध्याय ४०

श्रीगणेशाय नमः ॥

चित्तउंदरावर बैसुनी ॥ संसारसिंदुरासुरमर्दिनी ॥ भक्तआनंदकंद खाणी ॥ हेरंबकृष्णावेणी जी ॥१॥

नमोनि तिजला अहो श्रोते ॥ तुम्हा सांगतो व्यासजन्म ते ॥ सकळ सुखाचेचि जे पुरते ॥ भांडवल निश्चये ॥२॥

उत्तंक याज्ञवल्क्या ॥ पराशराची धर्मजाया ॥ शापे पतीचे आपुली काया ॥ टाकी योगबळे हो ॥३॥

पुढे भारद्वाज ऋषी ॥ स्नानासि आला कृष्णावेणीसी ॥ पंचशरे तव तन्मानसी॥ केला प्रवेश अवचित ॥४॥

तदा तयाचे रेत जळी ॥ पडतांचि गिळी मासोळी ॥ गर्भ राहिला तये वेळी ॥ दैवयोगे मुनी हो ॥५॥

जाळे टाकोनि धीवरे ॥ तिला धरोनि कापिली शस्त्रे ॥ तव अकस्मात पाहिली नेत्रे ॥ कन्या उदरी तियेचे ॥६॥

मग नेवोनि आपुले घरी ॥ नाम ठेविले मत्स्योदरी ॥ हर्ष माइना धीवरांतरी ॥ सुंदरी ती पाहुनी ॥७॥

धीवराचे अन्न उदक ॥ कदा न घे ती कन्यका ऐक ॥ कंद सेवोनि शमवी भूक ॥ राहे कृष्णातटींचि ॥८॥

दैवयोगे तिचे शरीरी ॥ सुटे मत्स्यगंध भारी ॥ मत्स्यगंधा अशी वैखरी ॥ म्हणोनि पडे तियेसी ॥९॥

ऐसे पाळिता तिला कोळी ॥ घरी तयाचे यौवना आली ॥ तदा तयाने बहुत शोधिली ॥ स्थळे कन्येसी आपुले ॥१०॥

परी तियेचे स्वरूप जैसे ॥ तैसे वराचे कोठे न दिसे ॥ तदा पिता म्हणे कैसे ॥ देव निद्रिस्त जाहले ॥११॥

मत्स्यगंधिका कृष्णातीरी ॥ तपे देहासि कृश करी ॥ दुःख देखोनि ते अंतरी ॥ सदय पराशर होतसे ॥१२॥

वचन दिधले सत्यवतीसी ॥ ते आठवे निजमानसी ॥ सत्य करावे आता तयासी ॥ म्हणोनि तेथे पातला ॥१३॥

मत्स्यगंधेसि म्हणे तिजला ॥ घेवोनि नावेत ने कडेला ॥ बरे बोलोनि ती अबला ॥ तया नावेत बैसवी ॥१४॥

मग हाकोनि ती नाव ॥ मध्यभागी आणिली तव ॥ मत्स्यगंधेसि विप्रराव ॥ इच्छी भोगावयासी ॥१५॥

म्हणे वृक्षावीण वल्ली ॥ शोभे अशी कधी पाहिली ॥ काया तुझी तशी सुकली ॥ नरालिंगन न होता ॥१६॥

ऐसे बोलोनि पराशर ॥ धरी तात्काळ तिचा कर ॥ तदा सुटे सुगंध फार ॥ शरीरकांतीहि पालटे ॥१७॥

पूर्वजन्मीचे होवोनि ज्ञान ॥ करी मुनीला शीघ्र नमन ॥ पराशरही आलिंगन ॥ देवोनि रममाण जाहला ॥१८॥

अमोघ वीर्यस्खलन होता ॥ वाटे आनंद तिचे चित्ता ॥ गर्भी हरीतेहि देखिता ॥ ऋषी सानंद होतसे ॥१९॥

पराशराचे तपोबळे ॥ श्रीहरीचे जन्म जाहले ॥ वेद जेणे विभागिले ॥ व्यास तोचि जाण हा ॥२०॥

तदा पराशर तीर्थाटण ॥ कराया निघे ते देखुन ॥ चकित होवोनि धरी चरण ॥ व्यासजननी तयाचे ॥२१॥

म्हणे टाकोनि मला तूते ॥ जाणे उचित की सांग दिसते ॥ केले नष्टही कौमार्याते ॥ नाते पतीचे न सोडी ॥२२॥

जरी सोडिसी तरी आता ॥ करी कुमारी मज तत्वता ॥ जेणे वरीलचि भूमिपाता ॥ दुःखहर्ता यापरी ॥२३॥

यापरी करिता तिने विनंती ॥ म्हणे पराशर तदा तीप्रती ॥ जे का तुवा इच्छिले चित्ती ॥ तैसेचि होईल नान्यथा ॥२४॥

म्हणे ऋषीला शिवनंदन ॥ जेथे व्यासनारायण ॥ प्रगटे कृष्णातटी पावन ॥ व्यासतीर्थ जाण ते ॥२५॥

स्नान करोनी व्यासतीर्थी ॥ खलखलेश्वरा जे चिंतिती ॥ ज्ञान निर्मल ते लाधती ॥ खलखलेश्वरकृपेने ॥२६॥

आतापुढे उत्तंक ऋषी ॥ काय सांगेल याज्ञवल्क्यासी ॥ तेचि सांगेन मी तुम्हासि ॥ म्हणे शिवाचा आत्मज ॥२७॥

कृष्णकथा इक्षुदंड ॥ चाखोनि पाहता रस उदंड ॥ पावाल तृप्ति तेणे अखंड ॥ चाळिसावा अध्याय हा ॥२८॥

इति स्कंदपुराणे श्रीकृष्णामाहात्म्ये व्यासोत्पत्तिकथनंवर्णनं नाम ऽध्यायः ॥४०॥

Translation - भाषांतर
N/A

References : N/A
Last Updated : 2008-09-26T23:28:02.7930000

Comments | अभिप्राय

Comments written here will be public after appropriate moderation.
Like us on Facebook to send us a private message.

वेचकुली

  • स्त्री. वाकुली ; वेडावणें ( सामान्यतः अनेकवचनांत उपयोग - वेंचकुल्या ); टिवल्याबावल्या ; तोंडें वेडीं वांकडीं करणें . बाळकृष्णपंतांचा रामराम होतांच गाडीबाहेर तोंड काढून माकडासारख्या वेंकुचल्या महाराजांनीं करून दाखविल्या . - विक्षिप्त १ . ३६ . [ विचकणें ] 
RANDOM WORD

Did you know?

पंचप्राणांना भोजनापूर्वी आहुती का द्यावी ?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.