TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|श्री कृष्णा माहात्म्य|
अध्याय ४९

श्री कृष्णा माहात्म्य - अध्याय ४९

विष्णूंच्या चरणांपासून कृष्णा नदी उत्पन्न झाली म्हणून तिचे पाणी विष्णुपादोदक आहे. त्यामुळे गंगेपेक्षाही तिचे महत्त्व अधिक आहे.


अध्याय ४९

श्रीगणेशाय नमः ॥

रज तम सत्त्व जिचे ठायी ॥ लय पावता नुरे काई ॥ दावा तुमची तीच आई ॥ कृष्णाबाई संत हो ॥१॥

म्हणे कार्तिक मुनिवराला ॥ याज्ञवल्क्यादि विप्रमेळा ॥ भृगुतीर्थापासाव गेला ॥ जंबुतीर्थासि पुढेची ॥२॥

सिद्धि पावला जांबवान ॥ जेथे तयाचे चरित्रकथन ॥ करितो तुम्हाला सावध मन ॥ करोनि ऐका मुनी हो ॥३॥

दैवत जयाचे घनश्याम ॥ लक्ष्मणाग्रज दयाब्धि राम ॥ तो जांबवंत भक्त परम ॥ बिळामाजि वसतसे ॥४॥

पुढे युगांतरी कृष्ण ॥ स्यमंतकाचा हेतू धरून ॥ येता बिळामाजि कदन ॥ करी जांबवान तयासी ॥५॥

युद्धाशेवटी कृष्णमूर्ती ॥ दिसे साक्षात दाशरथी ॥ तदा होवोनि चकित चित्ती ॥ चुकलो चुकलो म्हणतसे ॥६॥

करोनि साष्टांग दंडवत ॥ कन्यारत्‍न मग तया देत ॥ यापरी कृष्णासि करोनि शांत ॥ जांबवंत बोळवी ॥७॥

परी लागला मनी चटका ॥ स्वामिद्रोह घडला निका ॥ म्हणे आता ह्या पातका ॥ जाळू काय तर्‍हेने ॥८॥

तव दरिद्रियासी चिंतामणी ॥ तैसे भेटती अवचित मुनी ॥ पाय तयांचे प्रेमे धरोनी ॥ वृत्त निवेदन करीतसे ॥९॥

म्हणे आता उद्धरा स्वामी ॥ पापसागरी बुडालो मी ॥ कुळदैवत सीताभिरामी ॥ अभेद मन व्हावया ॥१०॥

प्रार्थना ऐकोनिया ऐसी ॥ ऋषी म्हणती धन्य आहेसी ॥ परी जावे कृष्णावेणीसी ॥ पापनिष्कृती कराया ॥११॥

कृष्णेमाजी महातीर्थ ॥ असे विरजानाम विख्यात ॥ तेथ राहता पाप नष्ट ॥ होईल निश्चये तुझे बा ॥१२॥

ऐसा मुनींचा बोल ऐकून ॥ सवेंचि गेला जांबवान ॥ तेथ भार्गवतीर्थाहुन ॥ तीन बाणांवरी असे जे ॥१३॥

कृष्णास्नान सहा मास ॥ करी श्रीरामपूजनास ॥ तदा कृष्णा समक्ष त्यास ॥ होवोनि म्हणे मुनी हो ॥१४॥

रामभक्ता जांबवंता ॥ निष्पाप जाहलासि तू आता ॥ होईल तुझे नाम तीर्था ॥ या आजपासुनी ॥१५॥

ऐसे बोलोनी विष्णुरूपिणी ॥ गुप्त जाहली तेच क्षणी ॥ जांबवंते आश्रम करोनी ॥ तीर्थी तेज ठेविले ॥१६॥

म्हणे मुनीला शिवकुमार ॥ जंबुतीर्थी स्नान कर ॥ करोनि पाहे शंकरा जर ॥ तरी शुद्ध मन होतसे ॥१७॥

जंबुतीर्थ परम पवित्र ॥ आख्यान तयाचे अति विचित्र ॥ ऐकोनि मिळे भोग इह परत्र ॥ भक्ति मात्र असावी ॥१८॥

उत्तराध्यायी सर्व मुनी ॥ प्रश्न करतील शंका येऊनी ॥ उत्तर तयाचे देवसेनानी ॥ सांगेल प्रेमपूर्वक ॥१९॥

कृष्णकथा इक्षुदंड ॥ चाखोनि पाहता रस उदंड ॥ पावाल तृप्ति तेणे अखंड ॥ एकुणपन्नासावा अध्याय हा ॥२०॥

इति स्कंदपुराणे श्रीकृष्णामाहात्म्ये जंबुतीर्थवर्णनं नाम एकोनपंचाशत्तमोऽध्यायः ॥४९॥

Translation - भाषांतर
N/A

References : N/A
Last Updated : 2008-09-26T23:28:14.3370000

Comments | अभिप्राय

Comments written here will be public after appropriate moderation.
Like us on Facebook to send us a private message.

दोहद

  • न. १ गरोदर स्त्रीची इच्छा , वासना ; डोहाळा . दोहद कैसा सुंदरि , सांग तुझे काय इच्छिते स्वांत । - मोमंत्ररामायण , उत्तरकांड २३३ . २ ( ल . ) झाडांना बहर येण्यापूर्वीची स्थिति ; त्यांची मनीषा , वांछा . अशोकास स्त्रियांचा पादाघात हे दोहद आहे आणि बकुलास दोहद मद्याची गुळणी . [ सं . ] 
  • n  The longings of a pregnant woman. 
RANDOM WORD

Did you know?

श्राद्धाचें प्रयोजन काय ? आणि श्राद्धाचे चार भेद कोणते आहेत ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site