झालें पाहिजे ॥ मनारे ॥ ऐसें झाले पाहिजे ।
एकी एक होवुनी स्वरुपीं नित्य राहिजे ॥मनारे॥धृ०॥
भज्यभजक हा भाव टाकुनी । द्वैताद्वैत भेद जाळुनी ।
स्वानंदांतची नित्य रंगुनी । राहिलें पाहिजे ॥मनारे॥ऐसे झालें पाहिजे० ॥१॥
एकची वस्तू जगतीं भरली । म्हणुनी तेथे वृत्ती रमली ।
नामरुप ही मिथ्या कळली । सत्य पाहिजे ॥मनारे॥ऐसे झालें पाहिजे० ॥२॥
जी जी वस्तु दिसे दृष्टीला । सत्यची रुप हा अनुभव आला ।
चिद्रूपची हें जाणुनी त्याला । आनंद झाला पाहिजे ॥मनारे॥ऐसें झालें पाहिजे० ॥३॥
वारी म्हणे हें ऐक्य भक्तीचें । लक्षण असेल ज्या भक्ताचें ।
भाग्यवंत ते पूर्ण दैवाचे । कळलें पाहिजे ॥मनारे॥ऐसें झालें पाहिजे० ॥४॥