अतिकाळ झाला येथें ॥ मूळ पाठवी लवकरी ॥
प्राण माझा स्थिर नाहीं ॥ आहो आणिक एक नवल झालें ॥
विपरित देखिलें स्वपन ॥ निर्गुणरुप सदोदीत ॥
मुर्ती देखिली (पाहिली) मनो मय ॥ विस्मित झालें मन माझे ॥
नोळखे भ्रांतीचा समावेश ॥ भेट देइ वरदमूर्ती ॥
आहो जय जय विघ्नराजा ॥१॥
पूर्व जन्म रे (जन्मीचें संचित ॥
प्रालब्धाची कोण गती ॥ देव (मोरया) भेटला अवचीत ॥
आहो जय जय जय विघ्नराजा ॥धृ०॥
आहो आणिक एक नवल झालें ॥
सकळा देवाचें एकरुप ॥ आहो मन माझें स्थीर नाहीं ॥
कोठें (पहावा) ओळखावा हा देव ॥
भ्रांतीरुप शरीर माझें ॥ विषय करिती चेतना ॥
मन माझें पांगूळ हो ॥ आहो जय जय जय विघ्नराजा ॥२॥
आहो ऐसें देवा काय केलें ॥ ऊदंड गाईलें स्वपन ॥
प्रपंचाची कोण गती ॥ सुत्रधारी रे कवित्व करी ॥
नेणती बा कोण देही ॥ वेगीं (मूळ) पाठवी लवकरी॥
मूळावीण नये बापा ॥ आहो जय जय जय विघ्नराजा ॥३॥
मोरया गोसावी अवधारी ॥ विनंती माझी परीस देवा ॥
सुख पावलों भक्तीचें ॥ भक्तालागीं कृपा करी ॥
ऐसें संचित पुर्वींचे ॥ निर्माण तुंचि जाण ॥
कृपा (दया) करावी लवकरी ॥ वेगीं मूळ पाठवावें ॥
आहो जय जय जय विघ्नराजा ॥४॥