मोरया मोरया हो मोरया मोरया मोरया मोरया ॥
मोरया मोरया हो मोरया मोरया हो ॥
दैवा केले डोळा हो पुण्य केले पाई ॥
मोरयासि बाही हो आलिंगीन ॥१॥
दैवाचिया नरा हो बुद्धि केली लाटी ॥
मोरयासि दृष्टि हो देखलिया ॥२॥
सेंदुर वर्णिला हो जयाच्या रे माथा ॥
तया गणनाथा हो नमन माझे ॥३॥
भागलो कष्टलो हो आलो मोरेश्वरा ॥
त्याचे घरी डेरा हो अमृताचा ॥४॥
भादवे चौथिसी हो जे द्वारे करीती
ते फळ पावती हो अभिलाषीचे ॥५॥
मायाबापाहूनि हो मोरया आगळा ॥
न करी वेगळा हो जीवाहूनि ॥६॥
मायबागहूनी मोरया परी हे ॥
(लिंब) लोण मी घडिये हो उतरीन ॥७॥
कर्हेच्या पाठारी हो नांदे ईच्छादानी ॥
नाम चिंतामणी हो मोरेश्वर ॥८॥
मोरेश्वर देव हो कमंडलू गंगा ॥
पापें जाति भंगा हो देखलिया ॥९॥
कनकाचा परियेळु हो उजळु दीपका ॥
भावे ओवाळु नायका हो मोरेश्वर ॥१०॥
शंख भेरी तूरे हो वाजती कोल्हाळा ॥
होतसे सोहळा हो मोरयाचा ॥११॥
हाति पंचारति हो हरिदास नाचति ॥
भावे ओवाळिती हो मोरेश्वरा ॥१२॥
दुरुनि दिसती हो पांढरीया ध्वजा ॥
तेथें नांदे राजा हो मोरेश्वर ॥१३॥
यादवाचा हीरा हो आला माझे घरा ॥
(नव) रत्नाचा डोल्हारा हो लांबविला ॥१४॥