माहेर हो माझे ऐका हो साजणी ॥
गाईन मी तेही हो वेळोवेळा ॥
सिद्धी बुद्धी माता गणराज पीता ॥
षडानन चुलता हो आहे मज ॥२॥
आजा महादेव आजी ती भवानी ॥
नारदा हा मुनि हो मातूळ हो ॥३॥
मातामह माझा हो ब्रम्ह देव जाणा ॥
कश्यप हा मामा हो आहे मज ॥४॥
लाभ लक्ष दोन्ही बंधू हे साजीरे ॥
काशिराज तिसरा हो आहे मज ॥५॥
भुशुंडि हे ऋषि मुद्गल महामुनि ॥
मोरया गोसावी हो भक्त जाणा ॥६॥
अनंत हे भक्त हो असतिल देवराया ॥
तयामाजी सिद्ध हो हेचि जाणा ॥७॥
चिंतामणीदास हो हेंचि हो मागत ॥
जन्मो जन्मी हेंचि हो देई मज ॥८॥