आजि आनंद आनंद ॥ मज भेटला एकदंत ॥धृ०॥
धन्य दिवस सोनियाचा ॥ पाहुं देव हा दैवाचा ॥आज० ॥१॥
आनंद झालासे मही ॥ नाम जपा सकळही ॥
मोरया मोरया घोष ॥ करितां नासती क्लेश ॥आज० ॥२॥
जन्म फेरे चकावया ॥ नाम जपा रे मोरया ॥
भव सिंधु तरावया ॥ द्वारें जाऊं करावया ॥आज० ॥३॥
महायात्रेचा आनंद ॥ मोरेश्वरीं ब्रह्मानंद ॥
टाळ घोषाच्या गजरें ॥ रंगीं नाचूं बहु आदरें ॥आज० ॥४॥
चिंतामणी मायबाप ॥ दाखविले आपुले कृपें ॥
प्रतिमासीं दर्शन॥ चुकवि जन्म मरण ॥
आज आनंद आनंद ॥ मज भेटला० ॥५॥