उद्धरिले जीव तुज येती शरण ॥
कष्टलीस माते तूं हो भक्ता कारण ॥येई हो गजानन ॥
माझ्या मनाचें मोहन ॥ येई हो गजानन ॥
(माझ्या जिवाचे जिवलग ॥ येई हो गजानन ) ॥१॥
भाद्रपद मास आला भक्ता उल्हास जाहाला ॥
कधीं तुज देखेन मी आपूले डोळा ॥येई हो गजानन ॥
बहूत कष्टलो सवसारी ॥ यावें गजानन ॥
(माते न लावावा उशिर यावें गजानन ) ॥२॥
दुष्ट भोग आहे ती हो येईअ हो प्रपंची ॥
सोडवी आतां मज तूं हो चुकवी यातायाती ॥येई हो गजानन॥
माझ्या मनाचे मोहन ॥ येई हो गजानन ॥
(माझ्या जिवाचे जिवलग ॥ येई हो गजानन) ॥३॥
सत्यलोक टाकनिया येथें रहिवास धरिला ॥
तूं हो कृपाळू (दया) माऊली थोर नवलाव केला ॥येई हो गजानन॥
बहुत कष्टलों सवसारी ॥ यावें गजानन ॥
(माते न लावावा उशिर यावें गजानन) ॥४॥
माझीया धांवण्या माते धावें ग लवकरी ॥
कष्टलीस भारी ग माझी सांडी न करी ॥येई हो गजानन॥
माझ्या मनाचे मोहन ॥ येई हो गजानन ॥
(माझ्या जिवाचे जिवलग ॥ येई हो गजानन ॥५॥
सोडवण माझी तूं हो येई ग मयूराई ॥
कैसा देह ठेऊ ग आतां करुं मी कांहीं ॥येई हो गजानन॥
बहूत कष्टलों सवसारीं ॥ यावें गजानन ॥
(माते न लावावा ऊशिर यावें गजानन ) ॥६॥
जळावीण मीन जैसा भूमी तळमळी ॥
तैसा तुजवीण ग माझा देह हळहाळी ॥ येंई हो गजानन ॥
माझ्या मनाचें मोहन ॥ येंई हो गजानन ॥
(माझ्या जिवाचे जिवलग ॥ येंई हो गजानन) ॥७॥
ब्रह्मयानें ध्यान तुझें केलें ग दृढतां ॥
वर दिधला माते सृष्टी झाला करितां ॥येंई हो गजानन ॥
बहुत कष्टलों सवसारीं ॥ यावें गजानन ॥
(माते न लावावा उशिर ॥ यावें गजानन) ॥८॥
शेष भार बहूत झाला पृथ्वीचा ॥
कृपा केली माते ग भार झाला पुष्पांचा ॥येंई हो गजानन ॥
माझ्या मनाचें मोहन ॥ येंई हो गजानन ॥
(माझ्या जिवाचे जिवलग ॥ येईं हो गजानन) ॥९॥
भाद्रपद मास आला द्वारें करिती नरनारी ॥
तूं हो कृपाळु (दयाळु) माऊली इच्छा देसी ग लवकरी ॥येंई हो गजानन ॥
बहुत कष्टलों सवसारीं ॥ यावें गजानन ॥
(माते न लावावा उशिर ॥ यावें गजानन ) ॥१०॥
आतां एक ह्मणे माझी विनंती ऐकावी ॥
ह्मणतसे तुज भक्ति आपूली द्यावी ॥ येंई हो गजानन ॥
माझ्या मनाचें मोहन ॥ येंई हो गजानन ॥
(माझ्या जिवाचे जिवलग । येंई हो गजानन ॥११॥
चिंतामणी दास रंक विनवी एकभावें ॥
कृपा (दया) करी माते ग माझ्या हृदयीं रहावें ॥येंई हो गजानन॥
बहुत कष्टलों सवसारीं ॥ यावें गजानन ॥
(माते न लावावा उशिर ॥ यावें गजानन ॥ येंई हो गजानन ॥१२॥