तिन्ही अक्षराचें नाम तुह्मी ह्मणारे वाचे ॥
चुकतिल भवबंधने दोष जाती जन्माचे ॥
जय जय मोरया हो ॥ माझ्या मोरया हो ॥
रंगा यावे हो माझ्या मोरया हो ॥
वाट पाहातो रे तूझी मोरया हो ॥
भेटी द्यावी हो माझ्या मोरया हो ॥
कधी मज भेटसी रे बापा मोरया हो ॥
धावे धावप्या रे माझ्या मोरया हो ॥जय जय मोरया हो ॥ माझ्या मोरया हो ॥धृ.॥१॥
विघ्नेशाचे नाम तुह्मी कावा घोष ॥
नासती पातके दोष जाती भवक्लेश ॥ज.मो.॥२॥
गजानन गजानन ह्मणारे मना ॥
चुकतिल भव बंधने तुज नाहीं यातना ॥ज.मो.॥मा.मो॥३॥
मयुरक्षेत्री कर्हे तिरी (देवा) रहिवास केला ॥
ध्यारे भक्त हो तुह्मी त्याचा सोहळा ॥ज.मो.॥मा.मो.॥४॥
जन्मोजन्मी दास तूझा आहे गणराजा (महाराजा) ॥
आणिक दैवत आह्मा नलगे या काजा ॥ज.मो.॥मा.मो.॥५॥
सेंदुर डवडविले रुप देखिले डोळा ॥
कोटि सूर्य तेथें त्याच्या लोपल्या कळा ॥ज.मो.॥मा.मो.॥६॥
धावे धावे मोरया (मजला) देई तू भेटी ॥
अखंड नाम तूझे म्या धरीलेसें कंठीं ॥ज.मो.ज.मो.॥७॥
मृत्युलोकीं क हेतीरीं (देवा) रहिवास केला ॥
निजभक्ता द्यावया मुक्तिचा सोहळा ॥ ज.मो.।मा.मो.॥८॥
मुषकावरी आरुढ होऊनि (देवा) येई लवकरी ॥
बहुत देवा शीणलो ये मी संसारी ॥ ज.मो.।मा.मो.॥९॥
चतुर्भुज मंडित रुप देखिलें नयनी ॥
हें मन वेधलें तुझ्या बा देवा चरणी ॥ज.मो.॥मा.मो.॥१०॥
परशु कमळ अंकूश घेऊनी (माझी) आली माऊली ॥
हें मन वेधलें तुझ्या बा चरणा जवळी ॥ज.मो.॥मा.मो.॥११॥
गणनाथ गणनाथ ह्मणारे सदा ॥
भय नाहीं तुह्मासि यमाचे कदा ॥ज०मो०॥मा०मो०॥१२॥
मोरया गोसावी (देवा) तुज करितो विनंती ॥
तारी भक्ता वेगे तू येई गणपती ॥ज०मो०॥मा०मो०॥१३॥
मोरया मोरया हो (देवा) जे भक्त ध्याती ॥
तयाच्या कामना पूर्ण शिघ्रचि होती ॥ज०मो०॥मा०मो०॥१४॥
जन्ममरण गर्भवास (देवा) चुकविता नाहीं ।
एक अहे तो दाता गणराज पाही ॥ज०मो.॥मा.मो.॥१५॥
मोरया गोसावी यांचें (देवा) देहीं पै वासू ॥
द्वैत नाहीं तयासी हृदई गणेश ॥ ज.मो.मा.मो.॥१६॥
मयूरक्षेत्री कर्हे तिरीं (देवा) रहीवास केला भक्तिभाव देखोनिया चिंचवडी आला ॥ज.मो.॥मा.मो.॥१७॥
जपतप अनुष्ठान (देवा) नलगे साधन ॥
देई देवा मज तूं हृदई चरण ॥ज.मो.॥मा.मो.॥१८॥
दुष्ट भोग झाले (मोरया) मज न कळे गती ॥
चिंतामणी दास तुझा करितो विनंती ॥ जय मो.॥मा.मो॥१९॥