TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|भा. रा. तांबे|संग्रह १|
पन्नास वर्षांनंतर

पन्नास वर्षांनंतर

भा.रा.तांबे यांच्या कविता अत्यंत हळुवार असून त्या मनाला भिडतात


पन्नास वर्षांनंतर

तूं हुबेहूब साउली त्याच मूर्तिची

हरपली दिवंगत झाली जी मूर्ति साउली तिची,

भटकतां विदेशीं दीन हीन जी मुली,

कधिंकधीं मनोमय ऐशा स्वप्नभूमधें भेटली.

संपला दिवस, गे अतां सांज जाहली;

कधिं घोर रात्र ये ऐशी हुरहूर जया लागली,

त्याचिया उषेचें चित्र, तया दाविशी !

का जन्मभरी रचिली गे ती घडी अंतिं मोडिशी ?

तें विकसित कमलापरी बिंब, ती प्रभा

सौवर्ण शरांसम हा हा ! ते किरण झोंबती नभा;

तें हरित पल्लवांतील मंजु कूजन,

उघडणें नयन वेलींचें, तें त्यांचें आंदोलन !

आवरीं, आवरीं मुली ! जाइं निर्दये !

जाईल जीव हा माझा पाहतां चित्र तें बये !

लाविलें दर जखडोनि , कुलुप घातलें,

तें वाद्य उघडुनी हा हा ! कळ फिरवूं मन धावलें.

गत सूर ऐकतां भान न उरलें मुली,

जा ! पुरे करीं तव माया, हा हाय हद्द जाहली !

चळ भरला म्हणशिल मला खरें तें मुली,

विसरूनि मला मी गेलों पाहूनि तुला या स्थळीं.

बालार्क-किरण हे तुला न्हाउं घालिती,

या संध्याभेसुर छाया चहुंकडे मला घेरिती.

चढणीवर पाउल तुझें, उतरणीवरी

भरभरा पाउलें माझीं पडतात सावरीं तरी.

तुज मंडोळ्या प्रीतिच्या शोभती, परी

वांकलों मृताशाभारें वाहुनि त्या पाठीवरी.

यापरी कोण तूं, कोण मीहि आठवें;

जें मेलें गेलें त्याचें भूत गे कशाला हवें ?

जा ! जाइं इथोनी, सुखें मरूं दे मला,

या लीला त्यास्तव राखीं जो प्रतिमदें झिंगला.

परि दया करीं त्यावरी जया भेदिशी;

नच हत्या करि कवणाची, बघ दशा होय मम कशी !

तूं नात जिची गे पणतू होउत तिला ?

रडणार कोण मजसाठीं ? नशिबास नर्क ठेविला !

Translation - भाषांतर
N/A

कवी - भा. रा. तांबे

जाति - मुद्रिका

ठिकाण - गुदरखेडा

दिनांक - मार्च १९१०

Last Updated : 2012-10-11T13:13:53.1270000

Comments | अभिप्राय

Comments written here will be public after appropriate moderation.
Like us on Facebook to send us a private message.

free of capture & seizure

  • पकड व अटकाव दायित्व मुक्त 
  • (abbr. FC & S) 
RANDOM WORD

Did you know?

सुतकातील नियमांबद्दल मार्गदर्शन करावे.
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site