रेफप्रकरणम्

अथ विसर्ग आप्नोति रेफमज्घोषवत्परः

ह्वारेष्टरबिभर्वार्हारनन्तस्सवितस्त्वकः

अजीगश्शमितस्त्वष्टः प्रातश्चाहरहस्त्वभाः

नेष्टर्यष्टर्विवर्वस्तस्सनुतस्तनुतः पुनः

स्तोतर्होतः पितर्म्मातः करावरनुदात्तयोः

आवृत्परोऽयमित्यूर्ध्वश्चानाद्युच्चेऽन्तरेव हि

अनिङ्ग्यान्तास्सुवश्चाहास्त्वहर्नभ्यां भिरुत्तरः

रेफोर्ध्वो लुप्यते रेफस्तत्पूर्वो दीर्घमाप्नुयात्

द्वन्द्वेऽहो रात्परे ओत्वं याति रोर्ध्वे सुवस्त्वपि

अःकारश्च त्वकारोर्ध्वो घोषवत्पर एव वा

इति रेफप्रकरणम्