श्री स्वामी समर्थ - अत्रितनय दत्तात्रय

अत्रितनय दत्तात्रय
प्रज्ञापुरि राहिला
सगुणरूप पद्मासनि
चिंतनात रंगला

स्वामींचे करित स्तवन
देवदूत सूर्यकिरण
वंदितात विमल चरण
दत्त दत्त गात अनिल
हर्षभरित जाहला

हसति फुले तरु डुलती
पक्षीगण नृत्य करिति
मोद भरे त्या चित्ती
भक्तवृंद मांदिरात
तव भजनी गुंगला

आसमंत दरवळला
भाव सुगंधे भरला
स्वर्ग इथे अवतरला
भक्तीच्या अमृतात
जीव आज नाहला

श्रद्धेची सांजवात
लावियली मांदिरात
उजळित ये अंतरात
नतमस्तक होत इथे
विश्वंभर पुजिला