श्री स्वामी समर्थ - सांभाळी सदया

स्वामी समर्था, सद्गुरू राया
सांभाळी सदया
भक्ता, सांभाळी सदया

तू सर्वेश्वर तूच दिगंबर
तूच कृपेचा अथांग सागर
अविरत गातो नाम समर्था ओवाळून काया
सांभाळी सदया

मी अज्ञानी लेकरू
वत्सलेचा तूच आगरु
परममंगला अत्रिनंदना अघटित तव माया
सांभाळी सदया

सगुण रूप हे ध्यान मनोहर
प्रज्ञापुरि तव वास निरंतर
छत्रचामरे ढाळित वट हा धरी छत्रछाया
सांभाळी सदया
भक्ता, सांभाळी सदया