तात्पर्यरूपाने वराचे गुण

निरनिराळ्या ग्रंथकारांनी निरनिराळे गुण लिहिले आहेत, त्यांचे व्यवस्थित रीतीने वर्गीकरण केले असता वरपरीक्षेसंबंधाने पुढील गोष्टी पहाव्या असा अर्थनिष्कर्ष होतो.
( १ ) वर नपुसंक नसावा.
( २ ) त्याचे कुल चांगले असावा.
( ३ ) त्याचा स्वभाव चांगला असावा.
( ४ ) तो वयाने योग्य असावा, वृद्ध किंवा अशक्त असू नये.
( ५ ) तो कुरूप नसावा, व त्याची सर्व अंगे शाबूत असावी.
( ६ ) त्याची प्रकृती निरोगी असावी.
( ७ ) त्याचे वर्तन चांगले असावे, व त्याने उन्मत्तपणे वागू नये.
( ८ ) तो घरचा सधन असावा, व त्याच्या संसारास हातभार लावण्यास पिता, बंधू इत्यादी असावे.
( ९ ) त्यास बंधू अगर भगिनी असल्यास परिवेदन व समानक्रिया हे दोष घडण्याची भीती नसावी.
( १० ) तो बुद्धिमान व विद्वान असावा, - मूर्ख ठोंब्या नसावा.
( ११ ) तो धर्माने वागणारा असावा, धर्मबाह्य अगर बाटलेला नसावा.
( १२ ) त्याचे लक्ष संसारात असावे; अर्थात मोक्षमार्गाच्या किंवा निवृत्तिमार्गाच्या नादी लागलेला, अगर ज्ञानी अशा तर्‍हेचा तो नसावा.
( १३ ) तो दूर ठिकाणी राहणारा नसावा.
( १४ ) तो शूर म्हणजे शिपाई बाण्याचा नसावा.
( १५ ) त्याची लक्षणे चांगली असावी.