चतुर्थ पटल - सहजोलीमुद्राकथनम्

गतं बिन्दुं स्वकं योगी बन्धयेद्योनिमुद्रया ।
सहजोलीरियं प्रोक्ता सर्वतन्त्रेषु गोपिता ॥९७॥

संज्ञाभेदाद्भवेद्भेद: कार्य तुल्यगतिर्यदि ।
तस्मात्सर्वप्रयत्नेन साव्यते योगिभि: सदा ॥९८॥

अयं योगो मया प्रोक्तो भक्तानां स्नेहत: प्रिये ।
गोपनीय: प्रयत्नेन न देयो यस्य कस्यचित् ॥९९॥

एतद्गुह्यतमं गुह्यं न भूतं न भविष्यति ।
तस्मादेतत्प्रयत्नेन गोपनीयं सदा बुधै: ॥१००॥

स्वमूत्रोत्सर्गकाले यो बलादाकृष्य वायुना ।
स्तोकं स्तोकं त्यजेन्मूत्रमूर्ध्वमाकृष्य तत्पुन: ॥१०१॥

गुरूपदिष्टमार्गेण प्रत्यहं य: समाचरेत् ।
बिन्दुसिद्धिर्भवेत्तस्य महासिद्धिप्रदायिका ॥१०२॥

षण्मासमभ्यसेद्यो वै प्रत्यहं गुरुशिक्षया ।
शताङ्गनानां भोगेsपि तस्य बिन्दुर्न नश्यति ॥१०३॥

सिद्धे बिन्दौ महायत्ने किं न सिध्यति पार्वति ।
ईशत्वं यत्प्रसादेन ममापि दुर्लभं भवेत् ॥१०४॥