TransLiteral Foundation
मराठी मुख्य सूची|मराठी साहित्य|गाणी व कविता|शेख महंमदबाबा श्रीगोंदेकर|प्रसंग सतरावा|
संग्रामारंभीं सद्‌गुरुचा निरोप

प्रसंग सतरावा - संग्रामारंभीं सद्‌गुरुचा निरोप

श्री संत शेख महंमद ( १५६०-१६५०) महाराष्ट्रातील वारकरी संप्रदायातील संत होते त्यांचे मुळ गाव श्रीगोंदा, जि अहमदनगर.
शेख महंमदाना महाराष्ट्रात कबीराचा अवतार म्हणून ओळखले जाते.


संग्रामारंभीं सद्‌गुरुचा निरोप
ऐका सद्‌गुरु नमस्‍कारून । मांडिलें एकांगीं शूरत्‍वपण । ते ऐकती संत साधुजन । घमशा न झोंटधरणीचें ॥३०॥
ते असती सद्‌गुरूचे अंकिले । परतोन आपआपणांतें झुंजले । ते पावती गा शब्‍दाचे सखोले । स्‍वयें साक्ष बाणली ॥३१॥
शब्‍दज्ञानें धरणें मतीं तर्की । जैसें श्र्वान सांचोली ऐकोन करी भुंकी । परी दृष्‍टीं नाहीं देखिली सायकीं । कवण काय ऐसी ॥३२॥
रणांत शूर भांडला शरीरें । बैसले ठायीं ऐकिलें कवीश्र्वरें । त्‍यावरी बिरमाल केला बंदिस्‍त थोरें । परी रण दृष्‍टीं देखिलें नाहीं ॥३३॥
तदन्यायें पंडित ज्ञानी । कुशळ विवंचना करिती वचनीं । परी नेणती कमाईची मांडणी । ते सांगो आरंभिली ॥३४॥
अवलोकूनि सद्‌गुरु उदार । साष्‍टांगें केला नमस्‍कार । पुसोनि संग्रामाचा विचार । मग निरोप घेतला ॥३५॥

Translation - भाषांतर
N/A

References : N/A
Last Updated : 2016-11-11T12:53:23.7030000

Comments | अभिप्राय

Comments written here will be public after appropriate moderation.
Like us on Facebook to send us a private message.

discerning judgement

  • विवेकपूर्ण निर्णय 
RANDOM WORD

Did you know?

नाग आणि नागपंचमी यांचा परस्परसंबंध काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.