भजन - सदगुरुनाथे माझे आई ०।
मज मोरयाचा बहुत लागला छंद बाय ॥धृ०॥
एक घडी पळ विसरु पडेना । नवल मी आता सांगु काय ॥१॥
असता संसारी सहज उदास । लाधला मोरयाचा पाय ॥२॥
गोसावीनंदन स्वामी परात्पर । सुखमय सर्वांठाय ॥३॥
भजन - पार्वतीच्या नंदना ०।
श्रीगुरुकृपाअंबे जय जय जय जगदंब आई ॥धृ०॥
तनमनधन हे अर्पुनि चरणी । शरण मी आलो दीन होउनि ।
नाम तुझे मम वदनी देउनि । ठेवी पायी । माते ॥१॥
नाम तुझे करी पतितां पावन । कलियुगी नाही त्या समान ।
न करिता व्रत तीर्थे दान । मोक्ष देई । माते ॥२॥
आजवरि रक्षिले बहु भक्तांसी नासुनि त्यांच्या पापराशी ।
दिधले सुखसाम्राज्यपदासी । वर्णु म्या कायी । माते ॥३॥
तुज विस्मरता अंगी चढे मद । तुजला स्मरता सदा सावध ।
दासी कला तव पदारविंद । नित्य ध्याई माते ॥४॥
भजन - आनंदे गुरुमाय ०।
सखये पाही गुरुवाचुनि दैवत नाही ॥धृ०॥
गुरु कार्श रामेश्वर । गुरु गोकर्ण पंढरपूर ।
गुरु तीर्थाचे माहेर । गुरु ते ग बाई ॥गुरु०॥१॥
गुरु प्रेमाचा पाझर । गुरु निजशांतीचे घर ।
गुरु परब्रह्मसागर ॥गुरु०॥२॥
गुरु भक्तीची माउली । गुरु ज्ञानाची साउली ।
गुरुपासुनि मुक्ति मिळाली ॥गुरु०॥३॥
गुरु वशिष्ठ श्रीरामाचे । गुरु याज्ञवल्क्य जनकरायाचे ।
गुरु सांदीपन श्रीकृष्णाचे ॥गुरु॥४॥
गुरु आदिनाथ मच्छिंद्राचे । गुरु मच्छिंदर गोरखाचे ।
गुरु जालिंदर मैनावतीचे ॥गुरु०॥५॥
गुरु नागनाथ बहिरंभटाचे । गुरु गहिनीनाथ निवृत्तीचे ।
गुरु निवृत्ति ज्ञानेशाचे गुरु०॥६॥
गुरु ज्ञानेश्वर विसोबारायाचे । गुरु विसोबाराय नामदेवाचे ।
गुरु नामदेव जनाबाईचे ॥गुरु०॥७॥
गुरु नारायण विधीचे । गुरु ब्रह्मदेव अत्रीचे ।
गुरु अत्रिमुनि दत्तात्रयाचे गुरु०॥८॥
गुरु दत्तात्रय जनार्दनाचे । गुरु जनार्दन एकनाथाचे ।
गुरु रमावल्लभदास आवडाबाईचे ॥गुरु०॥९॥
गुरु विमलानंद शांताईचे । गुरु गजदंड सिद्धारुढाचे ।
गुरु सिद्धारुढ कलावतीचे ॥गुरु०॥१०॥
भजन - शांत किती ही ०।
मोरी लागी लटक गुरुचरणनकी ॥धृ०॥
चरणाबिना मुझे कछु नही भावे । झूट माया सब सपननकी ॥१॥
भवसागर सब सूक गया है । फिकिर नही मुझे तरननकी ॥२॥
मीराके प्रभु गिरिधर नागर । उलट भयी मोरे नयननकी ॥३॥
भजन - सीताराम जय जय राम ०।
हा परम सनातन विश्व भरुनि उरला ।
गुरुदत्तराज हा ऋषिकुलात अवतरला ॥धृ०॥
स्मितरम्यवदन काषायवसनधारी । पीयूषयुक्त करि रत्नजडित झारी ।
निजभक्तत्राण कारणी शूल धरिला ॥गुरु०॥१॥
बांधिला कोप मुरडुनि जटा मुकुटी ।
घातली दयावनमाला दिव्य कंठी ।
करधृत डमरुतुनि उपजति ज्ञानकला ॥२॥
मृगचर्म पांघरी शंख चक्र हाती ।
श्रुति श्वानरुप होउनि पुढे पळती ।
भूधेनु कलिभये चाटित चरणाला ॥३॥
करि स्वजन उपाधि भस्मलेप अंगा ।
झोळीत भरी तज्जन्ममरणपिंगा ।
नारायण ह्रदयी रंग भरुनि गेला ॥४॥
भजन - उपेंद्रा ०।
जा शरण गुरुला भव तरशील ॥धृ०॥
अस्थिमांसमय तनु मी समजुनि । किती आरशात तू पहाशील ॥१॥
खाणे पीणे निजणे यातचि । व्यर्थ वेळ तू घालशील ॥२॥
विषय विलासी दिननिशी रमसी । परि शेवटी तू फसशील ॥३॥
पुनरपि जनन पुनरपि मरण । किती फेरे तू फिरशील ॥४॥
अंतकाळी तुज कोणी न वाली । हे कळता दुःख पावशील ॥५॥
नित्यानित्यविचार न करिता । शेवटी अनुतापे रडशील ॥६॥
हरिनामामृत सेविसि जरि तू । दुःख समूळ हरशील ॥७॥
संतवचनी दुर्लक्ष करिसि जरी । हाय हाय मग करशील ॥८॥
विषयी विटसी भजनी नटसि जरी । परमपद पावशील ॥९॥
गुरुपदी अनन्यशरण रिघता । ह्रदयग्रंथी तुटतील ॥१०॥
गुरुकरुणोदये भ्रम निवारुनि । आनंदे रमशील ॥११॥
हर्षखेदादि द्वंद्वापासुनि । गुरुबोधे तू सुटशील ॥१२॥
गुरुमहिमा तुज कळल्यावर मग । बोध वरी वरी झेलशील ॥१३॥
रुक्मिणीह्रदयनिवासी प्रभुला । ध्याता कृतकृत्य होशील ॥१४॥
भजन - ॐ नमःशिवाय , तरणोपाय ०।
आज सखी संतसंगतमे मिलके हरिके गुनगान करो ॥धृ॥
कलिमे हरिनाम समान बडो कोई और उपाय नही जगमे ।
सब पापनिवारण कारण है भवतारण है मनमे सुमरो ॥१॥
बिन संतसमागम ज्ञान नही बिन ज्ञान न मोक्ष मिले कबहि
करले तप तीरथ दान घने चहुंधामन बीच भले बिचरो ॥२॥
विश्वचराचरमे परिपूरण चेतन ब्रह्मस्वरुप सदा ।
घटभीतर जान पिछान सही मन बीच निरंतर ध्यान धरो ॥३॥
सब संशय दूर करावत है निजरुप लखावत है तनमे ।
ब्रह्मानंद सुनो गुरुज्ञान सदा भवसागर दुस्तर पार तरो ॥४॥
भजन - बेळगांव शहरी अनगोळमाळी ०।
सदगुरुकृपे लाभला हो आजी ब्रह्मानंद ॥धृ०॥
चिंता सुटली निश्चिंत झालो । पाहता यशोदानंद ॥१॥
जन्ममरण हर्षखेदादि । तुटले द्वैतबंध ॥२॥
संत सुटला निःसंग झालो । फिरतो आता स्वच्छंद ॥३॥
प्रेम घेणे प्रेम देणे । हाचि आमुचा छंद ।
प्रेमसागरी प्रेमलहरी । उठती अनिर्बंध ॥५॥
दिसते उपाधि परी ती नसते । सदा प्रेमामाजि धुंद ॥६॥
कलिमलदहन भजनी रमता । आटला विषयानंद ॥७॥
भजन - सदगुरुमाय दाखवि पाय ०।
अर्जी ते गुरुपादुकाष्टक